افقر موہانی
شاعر
بیٹھا ہوں شمع عشق فروزاں کئے ہوئے
بیٹھا ہوں شمع عشق فروزاں کئے ہوئے
اس سنگ در کو قبلہ ایماں کئے ہوئے
دل ہے متاع درد کا ساماں کئے ہوئے
تیر نگاہ یار کو مہماں کئے ہوئے
تنکے ہیں آشیاں کے قفس کی ہیں تیلیاں
آباد ہوں قفس کو گلستاں کئے ہوئے
دیکھیں حریم ناز میں کب تک ہوں باریاب
گزری ہے عمر منت درباں کئے ہوئے
افقر نظر فریبی دنیا میں کیا کہوں
ہوں دل کو وقف حسرت و ارماں کئے ہوئے
افقر موہانی