عاشقی میں میرؔ جیسے خواب مت دیکھا کرو — احمد فراز
شاعر
عاشقی میں میرؔ جیسے خواب مت دیکھا کرو
عاشقی میں میرؔ جیسے خواب مت دیکھا کرو
باؤلے ہو جاؤ گے مہتاب مت دیکھا کرو
جستہ جستہ پڑھ لیا کرنا مضامین وفا
پر کتاب عشق کا ہر باب مت دیکھا کرو
اس تماشے میں الٹ جاتی ہیں اکثر کشتیاں
ڈوبنے والوں کو زیر آب مت دیکھا کرو
مے کدے میں کیا تکلف مے کشی میں کیا حجاب
بزم ساقی میں ادب آداب مت دیکھا کرو
ہم سے درویشوں کے گھر آؤ تو یاروں کی طرح
ہر جگہ خس خانہ و برفاب مت دیکھا کرو
مانگے تانگے کی قبائیں دیر تک رہتی نہیں
یار لوگوں کے لقب القاب مت دیکھا کرو
تشنگی میں لب بھگو لینا بھی کافی ہے فرازؔ
جام میں صہبا ہے یا زہراب مت دیکھا کرو
Aashiqi mein Mir jaise khwab mat dekha karo
Aashiqi mein Mir jaise khwab mat dekha karo
Baawle ho jaoge mahtab mat dekha karo
Jasta jasta padh liya karna mazameen-e-wafa
Par kitab-e-ishq ka har baab mat dekha karo
Is tamashe mein ulat jaati hain aksar kashtiyaan
Doobne walon ko zer-e-aab mat dekha karo
Maykade mein kya takalluf maykashi mein kya hijaab
Bazm-e-saaqi mein adab-aadaab mat dekha karo
Hum se darveshon ke ghar aao to yaaron ki tarah
Har jagah khas-khana o barfaab mat dekha karo
Maange taange ki qabayein der tak rehti nahin
Yaar logon ke laqab alqaab mat dekha karo
Tishnagi mein lab bhigo lena bhi kaafi hai Faraz
Jaam mein sehba hai ya zehraab mat dekha karo
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں