اگرچہ زور ہواؤں نے ڈال رکھا ہے — احمد فراز
شاعر
اگرچہ زور ہواؤں نے ڈال رکھا ہے
اگرچہ زور ہواؤں نے ڈال رکھا ہے
مگر چراغ نے لو کو سنبھال رکھا ہے
محبتوں میں تو ملنا ہے یا اجڑ جانا
مزاج عشق میں کب اعتدال رکھا ہے
ہوا میں نشہ ہی نشہ فضا میں رنگ ہی رنگ
یہ کس نے پیرہن اپنا اچھال رکھا ہے
بھلے دنوں کا بھروسا ہی کیا رہیں نہ رہیں
سو میں نے رشتۂ غم کو بحال رکھا ہے
ہم ایسے سادہ دلوں کو وہ دوست ہو کہ خدا
سبھی نے وعدۂ فردا پہ ٹال رکھا ہے
حساب لطف حریفاں کیا ہے جب تو کھلا
کہ دوستوں نے زیادہ خیال رکھا ہے
بھری بہار میں اک شاخ پر کھلا ہے گلاب
کہ جیسے تو نے ہتھیلی پہ گال رکھا ہے
فرازؔ عشق کی دنیا تو خوبصورت تھی
یہ کس نے فتنۂ ہجر و وصال رکھا ہے
Agarche zor hawaon ne daal rakha hai
Agarche zor hawaon ne daal rakha hai
Magar chiragh ne lau ko sambhaal rakha hai
Mohabbaton mein to milna hai ya ujad jaana
Mizaaj-e-ishq mein kab e'tidaal rakha hai
Hawa mein nasha hi nasha faza mein rang hi rang
Yeh kis ne peharnan apna uchhaal rakha hai
Bhale dinon ka bharosa hi kya rahein na rahein
So maine rishte gham ko bahaal rakha hai
Hum aise saada dilo ko woh dost ho ke Khuda
Sabhi ne waada-e-farda pe taal rakha hai
Hisaab-e-lutf-e-hareefaan kya hai jab to khula
Ke doston ne zyada khayal rakha hai
Bhari bahaar mein ik shaakh par khula hai gulab
Ke jaise tu ne hatheli pe gaal rakha hai
Faraz ishq ki duniya to khoobsurat thi
Yeh kis ne fitna-e-hijr o wisaal rakha hai
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں