ایسے چپ ہیں کہ یہ منزل بھی کڑی ہو جیسے — احمد فراز
شاعر
ایسے چپ ہیں کہ یہ منزل بھی کڑی ہو جیسے
ایسے چپ ہیں کہ یہ منزل بھی کڑی ہو جیسے
تیرا ملنا بھی جدائی کی گھڑی ہو جیسے
اپنے ہی سائے سے ہر گام لرز جاتا ہوں
راستے میں کوئی دیوار کھڑی ہو جیسے
کتنے ناداں ہیں ترے بھولنے والے کہ تجھے
یاد کرنے کے لیے عمر پڑی ہو جیسے
تیرے ماتھے کی شکن پہلے بھی دیکھی تھی مگر
یہ گرہ اب کے مرے دل میں پڑی ہو جیسے
منزلیں دور بھی ہیں منزلیں نزدیک بھی ہیں
اپنے ہی پاؤں میں زنجیر پڑی ہو جیسے
آج دل کھول کے روئے ہیں تو یوں خوش ہیں فرازؔ
چند لمحوں کی یہ راحت بھی بڑی ہو جیسے
Aise chup hain ke yeh manzil bhi kadi ho jaise
Aise chup hain ke yeh manzil bhi kadi ho jaise
Tera milna bhi judaai ki ghadi ho jaise
Apne hi saaye se har gaam laraz jaata hoon
Raste mein koi deewar khadi ho jaise
Kitne nadaan hain tere bhoolne wale ke tujhe
Yaad karne ke liye umr padi ho jaise
Tere maathe ki shikan pehle bhi dekhi thi magar
Yeh girah ab ke mere dil mein padi ho jaise
Manzilein door bhi hain manzilein nazdeek bhi hain
Apne hi paon mein zanjeer padi ho jaise
Aaj dil khol ke roye hain to yun khush hain Faraz
Chand lamhon ki yeh rahat bhi badi ho jaise
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں