ہر کوئی دل کی ہتھیلی پہ ہے صحرا رکھے — احمد فراز
شاعر
ہر کوئی دل کی ہتھیلی پہ ہے صحرا رکھے
ہر کوئی دل کی ہتھیلی پہ ہے صحرا رکھے
کس کو سیراب کرے وہ کسے پیاسا رکھے
عمر بھر کون نبھاتا ہے تعلق اتنا
اے مری جان کے دشمن تجھے اللہ رکھے
ہم کو اچھا نہیں لگتا کوئی ہم نام ترا
کوئی تجھ سا ہو تو پھر نام بھی تجھ سا رکھے
دل بھی پاگل ہے کہ اس شخص سے وابستہ ہے
جو کسی اور کا ہونے دے نہ اپنا رکھے
کم نہیں طمع عبادت بھی تو حرص زر سے
فقر تو وہ ہے کہ جو دین نہ دنیا رکھے
ہنس نہ اتنا بھی فقیروں کے اکیلے پن پر
جا خدا میری طرح تجھ کو بھی تنہا رکھے
یہ قناعت ہے اطاعت ہے کہ چاہت ہے فرازؔ
ہم تو راضی ہیں وہ جس حال میں جیسا رکھے
Har koi dil ki hatheli pe hai sehra rakhe
Har koi dil ki hatheli pe hai sehra rakhe
Kis ko sairab kare woh kise pyasa rakhe
Umr bhar kaun nibhata hai talluq itna
Aye meri jaan ke dushman tujhe Allah rakhe
Hum ko achha nahin lagta koi hum-nam tera
Koi tujh sa ho to phir naam bhi tujh sa rakhe
Dil bhi pagal hai ke us shakhs se wabasta hai
Jo kisi aur ka hone de na apna rakhe
Kam nahin tama-e-ibadat bhi to hirs-e-zar se
Faqr to woh hai ke jo deen na duniya rakhe
Hans na itna bhi faqiron ke akele pan par
Ja Khuda meri tarah tujh ko bhi tanha rakhe
Yeh qanaat hai itaat hai ke chahat hai Faraz
Hum to raazi hain woh jis haal mein jaisa rakhe
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں