جب بھی دل کھول کے روئے ہوں گے — احمد فراز
شاعر
جب بھی دل کھول کے روئے ہوں گے
جب بھی دل کھول کے روئے ہوں گے
لوگ آرام سے سوئے ہوں گے
بعض اوقات بہ مجبوریٔ دل
ہم تو کیا آپ بھی روئے ہوں گے
صبح تک دست صبا نے کیا کیا
پھول کانٹوں میں پروئے ہوں گے
وہ سفینے جنہیں طوفاں نہ ملے
ناخداؤں نے ڈبوئے ہوں گے
رات بھر ہنستے ہوئے تاروں نے
ان کے عارض بھی بھگوئے ہوں گے
کیا عجب ہے وہ ملے بھی ہوں فرازؔ
ہم کسی دھیان میں کھوئے ہوں گے
Jab bhi dil khol ke roye honge
Jab bhi dil khol ke roye honge
Log aaram se soye honge
Baaz auqaat ba-majboori-e-dil
Hum to kya aap bhi roye honge
Subh tak dast-e-saba ne kya kya
Phool kaanton mein proye honge
Woh safeene jinhein toofaan na mile
Naakhudaaon ne daboye honge
Raat bhar hanste hue taaron ne
Un ke aariz bhi bhigoye honge
Kya ajab hai woh mile bhi hon Faraz
Hum kisi dhyaan mein khoye honge
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں