جز ترے کوئی بھی دن رات نہ جانے میرے — احمد فراز
شاعر
جز ترے کوئی بھی دن رات نہ جانے میرے
جز ترے کوئی بھی دن رات نہ جانے میرے
تو کہاں ہے مگر اے دوست پرانے میرے
تو بھی خوشبو ہے مگر میرا تجسس بے کار
برگ آوارہ کی مانند ٹھکانے میرے
شمع کی لو تھی کہ وہ تو تھا مگر ہجر کی رات
دیر تک روتا رہا کوئی سرہانے میرے
خلق کی بے خبری ہے کہ مری رسوائی
لوگ مجھ کو ہی سناتے ہیں فسانے میرے
لٹ کے بھی خوش ہوں کہ اشکوں سے بھرا ہے دامن
دیکھ غارت گر دل یہ بھی خزانے میرے
آج اک اور برس بیت گیا اس کے بغیر
جس کے ہوتے ہوئے ہوتے تھے زمانے میرے
کاش تو بھی میری آواز کہیں سنتا ہو
پھر پکارا ہے تجھے دل کی صدا نے میرے
کاش تو بھی کبھی آ جائے مسیحائی کو
لوگ آتے ہیں بہت دل کو دکھانے میرے
کاش اوروں کی طرح میں بھی کبھی کہہ سکتا
بات سن لی ہے مری آج خدا نے میرے
تو ہے کس حال میں اے زود فراموش مرے
مجھ کو تو چھین لیا عہد وفا نے میرے
چارہ گر یوں تو بہت ہیں مگر اے جان فرازؔ
جز ترے اور کوئی زخم نہ جانے میرے
Juz tere koi bhi din raat na jaane mere
Juz tere koi bhi din raat na jaane mere
Tu kahan hai magar ay dost puraane mere
Tu bhi khushboo hai magar mera tajassus be-kaar
Barg-e-aawaara ki maanind thikaane mere
Sham'a ki lau thi ke woh tu to tha magar hijr ki raat
Der tak rota raha koi sirhaane mere
Khalq ki be-khabari hai ke meri ruswaai
Log mujh ko hi sunaate hain fasaane mere
Lut ke bhi khush hun ke ashkon se bhara hai daaman
Dekh ghaaratgar-e-dil yeh bhi khazaane mere
Aaj ik aur baras beet gaya us ke baghair
Jis ke hote hue hote the zamaane mere
Kaash tu bhi meri aawaaz kahin sunta ho
Phir pukaara hai tujhe dil ki sada ne mere
Kaash tu bhi kabhi aa jaaye maseehaai ko
Log aate hain bahut dil ko dikhaane mere
Kaash auron ki tarah main bhi kabhi keh sakta
Baat sun li hai meri aaj Khuda ne mere
Tu hai kis haal mein ay zood-faraamosh mere
Mujh ko to chheen liya ahd-e-wafa ne mere
Charahgar yun to bahut hain magar ay jaan-e-Faraz
Juz tere aur koi zakhm na jaane mere
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں