کروں نہ یاد مگر کس طرح بھلاؤں اسے — احمد فراز
شاعر
کروں نہ یاد مگر کس طرح بھلاؤں اسے
کروں نہ یاد مگر کس طرح بھلاؤں اسے
غزل بہانہ کروں اور گنگناؤں اسے
وہ خار خار ہے شاخ گلاب کی مانند
میں زخم زخم ہوں پھر بھی گلے لگاؤں اسے
یہ لوگ تذکرے کرتے ہیں اپنے لوگوں کے
میں کیسے بات کروں اب کہاں سے لاؤں اسے
مگر وہ زود فراموش زود رنج بھی ہے
کہ روٹھ جائے اگر یاد کچھ دلاؤں اسے
وہی جو دولت دل ہے وہی جو راحت جاں
تمہاری بات پہ اے ناصحو گنواؤں اسے
جو ہم سفر سر منزل بچھڑ رہا ہے فرازؔ
عجب نہیں ہے اگر یاد بھی نہ آؤں اسے
Karun na yaad magar kis tarah bhulaun use
Karun na yaad magar kis tarah bhulaun use
Ghazal bahaane karun aur gungunaun use
Woh khaar khaar hai shaakh-e-gulab ki maanind
Main zakhm zakhm hun phir bhi gale lagaun use
Yeh log tazkire karte hain apne logon ke
Main kaise baat karun ab kahan se laun use
Magar woh zood-faraamosh zood-ranj bhi hai
Ke rooth jaaye agar yaad kuch dil'aaun use
Wahi jo daulat-e-dil hai wahi jo raahat-e-jaan
Tumhari baat pe ay naaseho ganwaun use
Jo humsafar sar-e-manzil bichhad raha hai Faraz
Ajab nahin hai agar yaad bhi na aaun use
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں