میں تو مقتل میں بھی قسمت کا سکندر نکلا — احمد فراز
شاعر
میں تو مقتل میں بھی قسمت کا سکندر نکلا
میں تو مقتل میں بھی قسمت کا سکندر نکلا
قرعۂ فال مرے نام کا اکثر نکلا
تھا جنہیں زعم وہ دریا بھی مجھی میں ڈوبے
میں کہ صحرا نظر آتا تھا سمندر نکلا
میں نے اس جان بہاراں کو بہت یاد کیا
جب کوئی پھول مری شاخ ہنر پر نکلا
شہر والوں کی محبت کا میں قائل ہوں مگر
میں نے جس ہاتھ کو چوما وہی خنجر نکلا
تو یہیں ہار گیا ہے مرے بزدل دشمن
مجھ سے تنہا کے مقابل ترا لشکر نکلا
میں کہ صحرائے محبت کا مسافر تھا فرازؔ
ایک جھونکا تھا کہ خوشبو کے سفر پر نکلا
Main to maqtal mein bhi qismat ka Sikandar nikla
Main to maqtal mein bhi qismat ka Sikandar nikla
Qur'a-e-faal mere naam ka aksar nikla
Tha jinhein za'm woh darya bhi mujhi mein doobe
Main ke sehra nazar aata tha samandar nikla
Main ne us jaan-e-bahaaran ko bahut yaad kiya
Jab koi phool meri shaakh-e-hunar par nikla
Shahr walon ki mohabbat ka main qaa'il hun magar
Main ne jis haath ko chooma wahi khanjar nikla
Tu yahin haar gaya hai mere buzdil dushman
Mujh se tanha ke muqabil tera lashkar nikla
Main ke sahra-e-mohabbat ka musafir tha Faraz
Ek jhonka tha ke khushboo ke safar par nikla
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں