قربتوں میں بھی جدائی کے زمانے مانگے — احمد فراز
شاعر
قربتوں میں بھی جدائی کے زمانے مانگے
قربتوں میں بھی جدائی کے زمانے مانگے
دل وہ بے مہر کہ رونے کے بہانے مانگے
ہم نہ ہوتے تو کسی اور کے چرچے ہوتے
خلقت شہر تو کہنے کو فسانے مانگے
یہی دل تھا کہ ترستا تھا مراسم کے لیے
اب یہی ترک تعلق کے بہانے مانگے
اپنا یہ حال کہ جی ہار چکے لٹ بھی چکے
اور محبت وہی انداز پرانے مانگے
زندگی ہم ترے داغوں سے رہے شرمندہ
اور تو ہے کہ سدا آئینہ خانے مانگے
دل کسی حال پہ قانع ہی نہیں جان فرازؔ
مل گئے تم بھی تو کیا اور نہ جانے مانگے
احمد فراز
Qurbaton mein bhi judai ke zamane maange
Qurbaton mein bhi judai ke zamane maange
Dil wo be-mehr ke rone ke bahane maange
Hum na hote to kisi aur ke charche hote
Khalqat-e-shehr to kehne ko fasane maange
Yehi dil tha ke tarasta tha marasim ke liye
Ab yehi tark-e-taluq ke bahane maange
Apna ye haal ke ji haar chuke lut bhi chuke
Aur mohabbat wohi andaaz purane maange
Zindagi hum tere daaghon se rahe sharminda
Aur tu hai ke sada aaina-khane maange
Dil kisi haal pe qane hi nahin jaan Faraz
Mil gaye tum bhi to kya aur na jaane maange
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی طور پر احمد شاہ کوہاٹی کے نام سے شاعری کرتے تھے بعد میں فیص احمد فیض کے مشورے سے احمد فراز کا نام اپنایا۔ احمد فراز کے خاندان میں ادبی رجحانات نمایاں تھے اور ان کے بھائی مسعود کوثر بعد میں خیبر پختو...
مکمل تعارف پڑھیں