رنجش ہی سہی دل ہی دکھانے کے لیے آ — احمد فراز
شاعر
رنجش ہی سہی دل ہی دکھانے کے لیے آ
رنجش ہی سہی دل ہی دکھانے کے لیے آ
آ پھر سے مجھے چھوڑ کے جانے کے لیے آ
کچھ تو مرے پندار محبت کا بھرم رکھ
تو بھی تو کبھی مجھ کو منانے کے لیے آ
پہلے سے مراسم نہ سہی پھر بھی کبھی تو
رسم و رہ دنیا ہی نبھانے کے لیے آ
کس کس کو بتائیں گے جدائی کا سبب ہم
تو مجھ سے خفا ہے تو زمانے کے لیے آ
اک عمر سے ہوں لذت گریہ سے بھی محروم
اے راحت جاں مجھ کو رلانے کے لیے آ
اب تک دل خوش فہم کو تجھ سے ہیں امیدیں
یہ آخری شمعیں بھی بجھانے کے لیے آ
Ranjish hi sahi dil hi dikhane ke liye aa
Ranjish hi sahi dil hi dikhane ke liye aa
Aa phir se mujhe chhod ke jaane ke liye aa
Kuchh to mere pindar-e-mohabbat ka bharam rakh
Tu bhi to kabhi mujh ko manane ke liye aa
Pehle se marasim na sahi phir bhi kabhi to
Rasm o rah-e-duniya hi nibhane ke liye aa
Kis kis ko batayenge judai ka sabab hum
Tu mujh se khafa hai to zamane ke liye aa
Ek umr se hoon lazzat-e-girya se bhi mahroom
Aye rahat-e-jaan mujh ko rulane ke liye aa
Ab tak dil-e-khush-fehm ko tujh se hain ummeeden
Yeh akhri shamaen bhi bujhane ke liye aa
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں