ساقیا ایک نظر جام سے پہلے پہلے — احمد فراز
شاعر
ساقیا ایک نظر جام سے پہلے پہلے
ساقیا ایک نظر جام سے پہلے پہلے
ہم کو جانا ہے کہیں شام سے پہلے پہلے
نو گرفتار وفا سعئ رہائی ہے عبث
ہم بھی الجھے تھے بہت دام سے پہلے پہلے
خوش ہو اے دل کہ محبت تو نبھا دی تو نے
لوگ اجڑ جاتے ہیں انجام سے پہلے پہلے
اب ترے ذکر پہ ہم بات بدل دیتے ہیں
کتنی رغبت تھی ترے نام سے پہلے پہلے
سامنے عمر پڑی ہے شب تنہائی کی
وہ مجھے چھوڑ گیا شام سے پہلے پہلے
کتنا اچھا تھا کہ ہم بھی جیا کرتے تھے فرازؔ
غیر معروف سے گمنام سے پہلے پہلے
Saqiya ek nazar jaam se pehle pehle
Saqiya ek nazar jaam se pehle pehle
Hum ko jaana hai kahin shaam se pehle pehle
Nau giraftar-e-wafa sai-e-rihaai hai abas
Hum bhi uljhe the bahut daam se pehle pehle
Khush ho aye dil ke mohabbat to nibha di tu ne
Log ujad jaate hain anjaam se pehle pehle
Ab tere zikr pe hum baat badal dete hain
Kitni raghbat thi tere naam se pehle pehle
Samne umr padi hai shab-e-tanhai ki
Wo mujhe chhod gaya shaam se pehle pehle
Kitna achha tha ke hum bhi jiya karte the Faraz
Ghair maroof se gumnaam se pehle pehle
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں