تیری باتیں ہی سنانے آئے — احمد فراز
شاعر
تیری باتیں ہی سنانے آئے
تیری باتیں ہی سنانے آئے
دوست بھی دل ہی دکھانے آئے
پھول کھلتے ہیں تو ہم سوچتے ہیں
تیرے آنے کے زمانے آئے
ایسی کچھ چپ سی لگی ہے جیسے
ہم تجھے حال سنانے آئے
عشق تنہا ہے سر منزل غم
کون یہ بوجھ اٹھانے آئے
اجنبی دوست ہمیں دیکھ کہ ہم
کچھ تجھے یاد دلانے آئے
دل دھڑکتا ہے سفر کے ہنگام
کاش پھر کوئی بلانے آئے
اب تو رونے سے بھی دل دکھتا ہے
شاید اب ہوش ٹھکانے آئے
کیا کہیں پھر کوئی بستی اجڑی
لوگ کیوں جشن منانے آئے
سو رہو موت کے پہلو میں فرازؔ
نیند کس وقت نہ جانے آئے
Teri baaten hi sunane aaye
Teri baaten hi sunane aaye
Dost bhi dil hi dikhane aaye
Phool khilte hain to hum sochte hain
Tere aane ke zamane aaye
Aisi kuch chup si lagi hai jaise
Hum tujhe haal sunane aaye
Ishq tanha hai sar-e-manzil-e-gham
Kaun ye bojh uthane aaye
Ajnabi dost hamein dekh ke hum
Kuch tujhe yaad dilane aaye
Dil dhadakta hai safar ke hangaam
Kaash phir koi bulane aaye
Ab to rone se bhi dil dukhta hai
Shayad ab hosh thikane aaye
Kya kahin phir koi basti ujdi
Log kyun jashn manane aaye
So raho maut ke pehlu mein Farazؔ
Neend kis waqt na jaane aaye
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں