تجھے ہے مشق ستم کا ملال ویسے ہی — احمد فراز
شاعر
تجھے ہے مشق ستم کا ملال ویسے ہی
تجھے ہے مشق ستم کا ملال ویسے ہی
ہماری جان تھی جاں پر وبال ویسے ہی
چلا تھا ذکر زمانے کی بے وفائی کا
سو آ گیا ہے تمہارا خیال ویسے ہی
ہم آ گئے ہیں تہ دام تو نصیب اپنا
وگرنہ اس نے تو پھینکا تھا جال ویسے ہی
میں روکنا ہی نہیں چاہتا تھا وار اس کا
گری نہیں مرے ہاتھوں سے ڈھال ویسے ہی
زمانہ ہم سے بھلا دشمنی تو کیا رکھتا
سو کر گیا ہے ہمیں پائمال ویسے ہی
مجھے بھی شوق نہ تھا داستاں سنانے کا
فرازؔ اس نے بھی پوچھا تھا حال ویسے ہی
Tujhe hai mashq-e-sitam ka malal waise hi
Tujhe hai mashq-e-sitam ka malal waise hi
Hamari jaan thi jaan par wabaal waise hi
Chala tha zikr zamane ki be-wafai ka
So aa gaya hai tumhara khayal waise hi
Hum aa gaye hain teh-e-daam to naseeb apna
Wagarna us ne to phenka tha jaal waise hi
Main rokna hi nahin chahta tha waar us ka
Giri nahin mere hathon se dhaal waise hi
Zamana hum se bhala dushmani to kya rakhta
So kar gaya hai hamein paimaal waise hi
Mujhe bhi shauq na tha dastan sunane ka
Farazؔ us ne bhi poocha tha haal waise hi
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں