اس کو جدا ہوئے بھی زمانہ بہت ہوا — احمد فراز
شاعر
اس کو جدا ہوئے بھی زمانہ بہت ہوا
اس کو جدا ہوئے بھی زمانہ بہت ہوا
اب کیا کہیں یہ قصہ پرانا بہت ہوا
ڈھلتی نہ تھی کسی بھی جتن سے شب فراق
اے مرگ ناگہاں ترا آنا بہت ہوا
ہم خلد سے نکل تو گئے ہیں پر اے خدا
اتنے سے واقعے کا فسانہ بہت ہوا
اب ہم ہیں اور سارے زمانے کی دشمنی
اس سے ذرا سا ربط بڑھانا بہت ہوا
اب کیوں نہ زندگی پہ محبت کو وار دیں
اس عاشقی میں جان سے جانا بہت ہوا
اب تک تو دل کا دل سے تعارف نہ ہو سکا
مانا کہ اس سے ملنا ملانا بہت ہوا
کیا کیا نہ ہم خراب ہوئے ہیں مگر یہ دل
اے یاد یار تیرا ٹھکانہ بہت ہوا
کہتا تھا ناصحوں سے مرے منہ نہ آئیو
پھر کیا تھا ایک ہو کا بہانہ بہت ہوا
لو پھر ترے لبوں پہ اسی بے وفا کا ذکر
احمد فرازؔ تجھ سے کہا نہ بہت ہوا
Us ko juda hue bhi zamana bahut hua
Us ko juda hue bhi zamana bahut hua
Ab kya kahin ye qissa purana bahut hua
Dhalti na thi kisi bhi jatan se shab-e-firaq
Ae marg-e-nagahan tera aana bahut hua
Hum khuld se nikal to gaye hain par ae khuda
Itne se waqe'e ka fasana bahut hua
Ab hum hain aur saare zamane ki dushmani
Us se zara sa rabt badhana bahut hua
Ab kyun na zindagi pe mohabbat ko waar dein
Is aashiqui mein jaan se jaana bahut hua
Ab tak to dil ka dil se ta'aruf na ho saka
Mana ke us se milna milana bahut hua
Kya kya na hum kharab hue hain magar ye dil
Ae yaad-e-yar tera thikana bahut hua
Kehta tha nasihon se mere munh na aaiyo
Phir kya tha ek ho ka bahana bahut hua
Lo phir tere labon pe isi bewafa ka zikr
Ahmad Farazؔ tujh se kaha na bahut hua
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں