وحشتیں بڑھتی گئیں ہجر کے آزار کے ساتھ — احمد فراز
شاعر
وحشتیں بڑھتی گئیں ہجر کے آزار کے ساتھ
وحشتیں بڑھتی گئیں ہجر کے آزار کے ساتھ
اب تو ہم بات بھی کرتے نہیں غم خوار کے ساتھ
ہم نے اک عمر بسر کی ہے غم یار کے ساتھ
میرؔ دو دن نہ جئے ہجر کے آزار کے ساتھ
اب تو ہم گھر سے نکلتے ہیں تو رکھ دیتے ہیں
طاق پر عزت سادات بھی دستار کے ساتھ
اس قدر خوف ہے اب شہر کی گلیوں میں کہ لوگ
چاپ سنتے ہیں تو لگ جاتے ہیں دیوار کے ساتھ
ایک تو خواب لیے پھرتے ہو گلیوں گلیوں
اس پہ تکرار بھی کرتے ہو خریدار کے ساتھ
شہر کا شہر ہی ناصح ہو تو کیا کیجئے گا
ورنہ ہم رند تو بھڑ جاتے ہیں دو چار کے ساتھ
ہم کو اس شہر میں تعمیر کا سودا ہے جہاں
لوگ معمار کو چن دیتے ہیں دیوار کے ساتھ
جو شرف ہم کو ملا کوچۂ جاناں سے فرازؔ
سوئے مقتل بھی گئے ہیں اسی پندار کے ساتھ
Wahshaten badhti gain hijr ke azaar ke sath
Wahshaten badhtin gain hijr ke azaar ke sath
Ab to hum baat bhi karte nahin gham-khwar ke sath
Hum ne ek umr basar ki hai gham-e-yar ke sath
Meerؔ do din na gaye hijr ke azaar ke sath
Ab to hum ghar se nikalte hain to rakh dete hain
Taaq par izzat-e-sadat bhi dastaar ke sath
Is qadar khauf hai ab shahr ki galiyon mein ke log
Chaap sunte hain to lag jate hain deewar ke sath
Ek to khwab liye phirte ho galiyon galiyon
Is pe takrar bhi karte ho kharidar ke sath
Shahr ka shahr hi nasih ho to kya kijiye ga
Warna hum rind to bhad jate hain do char ke sath
Hum ko is shahr mein ta'ameer ka sauda hai jahan
Log ma'amar ko chun dete hain deewar ke sath
Jo sharaf hum ko mila koocha-e-janan se Farazؔ
Sue-e-maqtal bhi gaye hain isi pindar ke sath
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں