ہے مذاق زندہ دلی یہی اسی مصلحت نے مزا دیا — آل رضا رضا
شاعر
ہے مذاق زندہ دلی یہی اسی مصلحت نے مزا دیا
ہے مذاق زندہ دلی یہی اسی مصلحت نے مزا دیا
نہ جدا ہو دل سے کسک کبھی وہ مزاج درد بنا دیا
میں ابھی کہاں تھا دل حزیں جو کھلی ہے آنکھ تو کچھ نہیں
مرا فرش خاک تو ہے وہیں مجھے عرش خواب نے کیا دیا
کوئی حق تھا جس کا گلہ کروں کوئی تم سے کہنے کی بات ہے
کہ ہنسی خوشی کے سلوک کا جو رواج تھا وہ اٹھا دیا
مرے درد دل کی کسے خبر کہ غریب دل کا پیامبر
وہی رنگ رخ تھا کسی قدر جو ہنسی میں سب نے اڑا دیا
ہے مغالطہ بھی عجیب شے وہ نہ یاد آئے گا تا بہ کے
جو چھپا کے اپنے ہی ذہن میں یہ سمجھ لیا کہ بھلا دیا
رہ و رسم عشق کی منزلیں وہ نزاکتیں وہ لطافتیں
کبھی لطف آفت جاں بنا کبھی جھڑکیوں نے مزا دیا
وہ تلون دم ہوش تھا کبھی کچھ بنے کبھی کچھ بنے
یہ جنون عشق کی شان ہے جو بنا دیا سو بنا دیا
یہ چراغ میری امید کا یہ گھڑی گھڑی ترا مشغلہ
کبھی دور ہی سے جلا دیا کبھی پاس آ کے بجھا دیا
جو نظر ملی تو یہ سوچ تھا کہ سوال آپ سے کیا کروں
جو کیا سوال تو سوچ ہے کہ جواب آپ نے کیا دیا
ہے رضاؔ یہ حسب مقام دل کہ پیام دل ہو بہ نام دل
کوئی قدردان کلام دل کہیں مل گیا تو سنا دیا
آل رضا رضا
Hai mazaq-e-zinda-dili yehi isi maslihat ne maza diya
Hai mazaq-e-zinda-dili yehi isi maslihat ne maza diya
Na juda ho dil se kasak kabhi woh mizaj-e-dard bana diya
Main abhi kahan tha dil-e-hazeeñ jo khuli hai aankh to kuch nahin
Mera farsh-e-khak to hai wahin mujhe arsh-e-khwab ne kya diya
Koi haq tha jis ka gila karoon koi tum se kehne ki baat hai
Ke hansi khushi ke sulook ka jo riwaj tha woh utha diya
Mere dard-e-dil ki kise khabar ke ghareeb dil ka payambar
Wohi rang-e-rukh tha kisi qadar jo hansi mein sab ne uda diya
Hai mughalta bhi ajeeb shai woh na yaad aayega ta ba ke
Jo chhupa ke apne hi zehn mein yeh samajh liya ke bhula diya
Rah-o-rasm-e-ishq ki manzilen woh nazakatein woh latafatein
Kabhi lutf-e-afat-e-jaan bana kabhi jhadkiyon ne maza diya
Woh talawwun dam-e-hosh tha kabhi kuch bane kabhi kuch bane
Yeh junoon-e-ishq ki shaan hai jo bana diya so bana diya
Yeh chiragh meri umeed ka yeh ghadi ghadi tera mashghala
Kabhi door hi se jala diya kabhi paas aa ke bujha diya
Jo nazar mili to yeh soch tha ke sawal aap se kya karoon
Jo kiya sawal to soch hai ke jawab aap ne kya diya
Hai Razaؔ yeh hasb-e-maqam-e-dil ke payam-e-dil ho ba naam-e-dil
Koi qadardan-e-kalam-e-dil kaheen mil gaya to suna diya
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں