جو خود نہ اپنے ارادے سے بد گماں ہوتا — آل رضا رضا
شاعر
جو خود نہ اپنے ارادے سے بد گماں ہوتا
جو خود نہ اپنے ارادے سے بد گماں ہوتا
قدم اٹھاتے ہی منزل پہ کارواں ہوتا
یہ لطف ان کے تغافل میں پھر کہاں ہوتا
جو اک لطیف تبسم نہ درمیاں ہوتا
کھلے ہیں پھول جو ایسے میں تم چلے آتے
یہ اہتمام بہاراں نہ رائیگاں ہوتا
دماغ عرش پہ ہے جس کی دھن میں وہ سجدہ
مرے نصیب میں ہوتا تو میں کہاں ہوتا
سمجھ تو یہ کہ نہ سمجھے خود اپنا رنگ جنوں
مزاج یہ کہ زمانہ مزاج داں ہوتا
بھری بہار کے دن ہیں خیال آ ہی گیا
اجڑ نہ جاتا تو پھولوں میں آشیاں ہوتا
حسین قدموں سے لپٹی ہوئی کشش تھی جہاں
وہیں تھا دل بھی رضاؔ اور دل کہاں ہوتا
آل رضا رضا
Jo khud na apne irade se bad-guman hota
Jo khud na apne irade se bad-guman hota
Qadam uthate hi manzil pe karwan hota
Yeh lutf un ke taghaful mein phir kahan hota
Jo ek lateef tabassum na darmiyan hota
Khule hain phool jo aise mein tum chale aate
Yeh ihtimam-e-baharan na raaigañ hota
Dimagh arsh pe hai jis ki dhun mein woh sajda
Mere naseeb mein hota to main kahan hota
Samajh to yeh ke na samjhe khud apna rang-e-junooñ
Mizaj yeh ke zamana mizaj-daan hota
Bhari bahar ke din hain khayal aa hi gaya
Ujad na jata to phoolon mein aashiyan hota
Haseen qadmon se lipti hui kashish thi jahan
Wahin tha dil bhi Razaؔ aur dil kahan hota
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں