نیاز و ناز کا یہ سلسلہ نہیں جاتا — آل رضا رضا
شاعر
نیاز و ناز کا یہ سلسلہ نہیں جاتا
نیاز و ناز کا یہ سلسلہ نہیں جاتا
جفا کو چھیڑ کے شوق وفا نہیں جاتا
کھٹک رہی ہیں جو رگ رگ میں پیرتی پھانسیں
کسی سے ایک ٹھکانے رہا نہیں جاتا
جو آپ وجہ نہ پوچھیں تو ایک بات کہوں
بغیر آپ کے مجھ سے جیا نہیں جاتا
خطا معاف بہت دے دیا تمہارا ساتھ
اب اپنے حال پہ مجھ سے ہنسا نہیں جاتا
یہ اور بات ہے جب بھی اٹھا دئے جائیں
تمہاری بزم سے لیکن اٹھا نہیں جاتا
عجیب تیر کلیجے پہ کھائے بیٹھا ہوں
عجیب زخم کہ جس کا مزا نہیں جاتا
جہاں بناتے ہوں قسمت مٹا کے خودداری
زمانہ جائے تو جائے رضاؔ نہیں جاتا
آل رضا رضا
Niyaz-o-naaz ka yeh silsila nahin jata
Niyaz-o-naaz ka yeh silsila nahin jata
Jafa ko chhed ke shauq-e-wafa nahin jata
Khatak rahi hain jo rag rag mein peertiñ phaansein
Kisi se ek thikane raha nahin jata
Jo aap wajah na poochein to ek baat kahoon
Bagair aap ke mujh se jiya nahin jata
Khata muaf bohat de diya tumhara saath
Ab apne haal pe mujh se hansa nahin jata
Yeh aur baat hai jab bhi utha diye jayein
Tumhari bazm se lekin utha nahin jata
Ajeeb teer kaleje pe khaaye baitha hoon
Ajeeb zakhm ke jis ka maza nahin jata
Jahan banate hoñ qismat mita ke khuddari
Zamana jaaye to jaaye Razaؔ nahin jata
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں