آگے بڑھے نہ قصۂ عشق بتاں سے ہم — الطاف حسین حالی
شاعر
آگے بڑھے نہ قصۂ عشق بتاں سے ہم
آگے بڑھے نہ قصۂ عشق بتاں سے ہم
سب کچھ کہا مگر نہ کھلے راز داں سے ہم
اب بھاگتے ہیں سایۂ عشق بتاں سے ہم
کچھ دل سے ہیں ڈرے ہوئے کچھ آسماں سے ہم
ہنستے ہیں اس کے گریۂ بے اختیار پر
بھولے ہیں بات کہہ کے کوئی راز داں سے ہم
اب شوق سے بگڑ کے ہی باتیں کیا کرو
کچھ پا گئے ہیں آپ کے طرز بیاں سے ہم
جنت میں تو نہیں اگر یہ زخم تیغ عشق
بدلیں گے تجھ کو زندگیٔ جاوداں سے ہم
Aage badhe na qissa-e-ishq-e-butan se hum
Aage badhe na qissa-e-ishq-e-butan se hum
Sab kuchh kaha magar na khule raaz-daan se hum
Ab bhagte hain saya-e-ishq-e-butan se hum
Kuchh dil se hain dare hue kuchh aasman se hum
Hanste hain us ke girya-e-be-ikhtiyar par
Bhoole hain baat keh ke koi raaz-daan se hum
Ab shauq se bigad ke hi baatein kiya karo
Kuchh pa gaye hain aap ke tarz-e-bayaan se hum
Jannat mein to nahin agar yeh zakhm-e-tegh-e-ishq
Badlenge tujh ko zindagi-e-javidaan se hum