عشق کو ترک جنوں سے کیا غرض — الطاف حسین حالی
شاعر
عشق کو ترک جنوں سے کیا غرض
عشق کو ترک جنوں سے کیا غرض
چرخ گرداں کو سکوں سے کیا غرض
دل میں ہے اے خضر گر صدق طلب
راہرو کو رہنموں سے کیا غرض
حاجیو ہے ہم کو گھر والے سے کام
گھر کے محراب و ستوں سے کیا غرض
گنگنا کر آپ رو پڑتے ہیں جو
ان کو چنگ و ارغنوں سے کیا غرض
نیک کہنا نیک جس کو دیکھنا
ہم کو تفتیش دروں سے کیا غرض
دوست ہیں جب زخم دل سے بے خبر
ان کو اپنے اشک خوں سے کیا غرض
عشق سے ہے مجتنب زاہد عبث
شیر کو صید زبوں سے کیا غرض
کر چکا جب شیخ تسخیر قلوب
اب اسے دنیائے دوں سے کیا غرض
آئے ہو حالیؔ پئے تسلیم یاں
آپ کو چون و چگوں سے کیا غرض
ishq ko tark-e-junūñ se kyā ġharaz
ishq ko tark-e-junūñ se kyā ġharaz
charḳh-e-gardāñ ko sukūñ se kyā ġharaz
dil meñ hai ai ḳhizr gar ṣidq-e-talab
rāh-rav ko rahnumāoñ se kyā ġharaz
hājiyo hai ham ko ghar vāle se kām
ghar ke mehrāb-o-sutūñ se kyā ġharaz
guñgunā kar aap ro paṛte haiñ jo
un ko chang-o-arġhanuñ se kyā ġharaz
nek kahnā nek jis ko dekhnā
ham ko taftīsh-e-darūñ se kyā ġharaz
dost haiñ jab zaḳhm-e-dil se be-ḳhabar
un ko apne ashk-e-ḳhūñ se kyā ġharaz
ishq se hai mujtanib zāhid abas
sher ko ṣaid-e-zabūñ se kyā ġharaz
kar chukā jab shaiḳh tasḳhīr-e-qulūb
ab use duniyā-e-dūñ se kyā ġharaz
ā'e ho Hālī pa'e taslīm yāñ
aap ko chūñ-o-chugūñ se kyā ġharaz