کہہ دو کوئی ساقی سے کہ ہم مرتے ہیں پیاسے — الطاف حسین حالی
شاعر
کہہ دو کوئی ساقی سے کہ ہم مرتے ہیں پیاسے
کہہ دو کوئی ساقی سے کہ ہم مرتے ہیں پیاسے
گر مے نہیں دے زہر ہی کا جام بلا سے
جو کچھ ہے سو ہے اس کے تغافل کی شکایت
قاصد سے ہے تکرار نہ جھگڑا ہے صبا سے
دلالہ نے امید دلائی تو ہے لیکن
دیتے نہیں کچھ دل کو تسلی یہ دلاسے
ہے وصل تو تقدیر کے ہاتھ اے شہ خوباں
یاں ہیں تو فقط تیری محبت کے ہیں پیاسے
پیاسے ترے سرگشتہ ہیں جو راہ طلب میں
ہونٹوں کو وہ کرتے نہیں تر آب بقا سے
در گزرے دوا سے تو بھروسے پہ دعا کے
در گزریں دعا سے بھی دعا ہے یہ خدا سے
اک درد ہو بس آٹھ پہر دل میں کہ جس کو
تخفیف دوا سے ہو نہ تسکین دعا سے
حالیؔ دل انساں میں ہے گم دولت کونین
شرمندہ ہوں کیوں غیر کے احسان و عطا سے
جب وقت پڑے دیجیے دستک در دل پر
جھکئے فقرا سے نہ جھمکیے امرا سے
kah do ko'ī sāqī se ki ham marte haiñ piyāse
kah do ko'ī sāqī se ki ham marte haiñ piyāse
gar mai nahīñ de zahr hī kā jām balā se
jo kuchh hai so hai us ke taġhāful kī shikāyat
qāṣid se hai takrār na jhagaṛā hai ṣabā se
dalāle ne umīd dilā'ī to hai lekin
dete nahīñ kuchh dil ko tasallī ye dilāse
hai vasl to taqdīr ke hāth ai shah-e-ḳhūbāñ
yāñ haiñ to faqat terī mohabbat ke haiñ piyāse
piyāse tire sar-gashta haiñ jo rāh-e-talab meñ
hoñṭoñ ko vo karte nahīñ tar āb-e-baqā se
dar-guzre du'ā se to bharose pe davā ke
dar-guzreñ du'ā se bhī du'ā hai ye ḳhudā se
ik dard ho bas āṭh pahr dil meñ ki jis ko
taḳhfīf davā se ho na taskīn du'ā se
Hālī dil-e-insāñ meñ hai gum daulat-e-kaunain
sharminda hoñ kyoñ ġhair ke ehsān-o-atā se
jab vaqt paṛe dījiye dastak dar-e-dil par
jhukī'e fuqarā se na jhamkī'e umarā se