امیر امام

English rendering

Hum ne girya kiya Us jagah jis jagah jashn darkaar tha Hum ne girya kiya Us jagah Jis jagah ediyaan hum ragadte To Zamzam ubalne ko tayyar tha Hum ne girya kiya Sang-e-hasrat pe sar ko patakte hue ek ehsaas par Naatwaan pyaas par Pyaas jo is ghadi mar gai Us ne jab Mere sookhe labon par Samundar ki wusat liye Apne lab rakh diye Der tak apne sab zakhm hum Jism ki khaak mein saath bote rahe Yun hi lipte hue Jaagti neend sote rahe Ek dooje ki aankhon se rote rahe Hum ne girya kiya