گنوا کے دل سا گہر درد سر خرید لیا — آرزو لکھنوی
شاعر
گنوا کے دل سا گہر درد سر خرید لیا
گنوا کے دل سا گہر درد سر خرید لیا
بہت گراں تھا یہ سودا مگر خرید لیا
امین عشق نے دل بے خطر خرید لیا
یہ آئنہ مع آئینہ گر خرید لیا
غضب تھا عشق کا سودا کہ اہل ہوش نے بھی
جو کچھ نصیب تھا سب بیچ کر خرید لیا
بھلا ہو غم کی تنک ظرفیٔ طبیعت کا
اگرچہ بات گنوا دی اثر خرید لیا
رہ رضا میں ہے خونی کفن سے شان شہید
تو جان بیچ کے رخت سفر خرید لیا
جو دل کہے نہ کہوں وہ جو تو کہے وہ کہوں
تو کیا ضمیر بھی اے حیلہ گر خرید لیا
تلاش عیش میں اے آرزوؔ ہے رنج ہی رنج
ستم نصیب یہ کیا درد سر خرید لیا
آرزو لکھنوی
Ganwa ke dil sa gauhar dard-e-sar khareed liya
Ganwa ke dil sa gauhar dard-e-sar khareed liya
Bahut giran tha yeh sauda magar khareed liya
Ameen-e-ishq ne dil be-khatar khareed liya
Yeh aaina ma'a aaina-gar khareed liya
Ghazab tha ishq ka sauda ke ahl-e-hosh ne bhi
Jo kuch naseeb tha sab bech kar khareed liya
Bhala ho gham ki tang zarfi-e-tabiyat ka
Agarche baat ganwa di asar khareed liya
Rah-e-raza mein hai khooni kafan se shaan-e-shaheed
Tu jaan bech ke rakht-e-safar khareed liya
Jo dil kahe na kahoon woh jo tu kahe woh kahoon
To kya zameer bhi aye heela gar khareed liya
Talash-e-aish mein aye Aarzoo hai ranj hi ranj
Sitam naseeb yeh kya dard-e-sar khareed liya
شاعر کے بارے میں
آرزو لکھنوی اردو کے اُن ہمہ جہت اور قدآور شعرا میں شمار ہوتے ہیں جنہوں نے کلاسیکی روایت کو جدید تقاضوں سے ہم آہنگ کیا۔ ان کا اصل نام سید انور حسین تھا اوروہ 16 فروری 1873ء کو لکھنؤ میں ایک علمی و ادبی گھرانے میں پیدا ہوئے۔ ان کے والد میر ذاکر حسین ‘یاس’ اور بھائی میر یوسف حسین ‘قیاس’ بھی نامور شعرا تھے، یوں شاعری انہیں ورثے میں ملی۔ گھر پر عربی...
مکمل تعارف پڑھیں