نہ کر تلاش اثر تیر ہے لگا نہ لگا — آرزو لکھنوی
شاعر
نہ کر تلاش اثر تیر ہے لگا نہ لگا
نہ کر تلاش اثر تیر ہے لگا نہ لگا
جو اپنے بس کا نہیں اس کا آسرا نہ لگا
حیات لذت آزار کا ہے دوسرا نام
نمک چھڑک تو چھڑک زخم پر دوا نہ لگا
مرے خیال کی دنیا میں اس جہاں سے دور
یہ بیٹھے بیٹھے ہوا گم کہ پھر پتا نہ لگا
خوشی یہ دل کی ہے اس میں نہیں ہے عقل کو دخل
برا وہ کہتے رہے اور کچھ برا نہ لگا
چمک سے برق کی کم تر ہے وقفۂ دیدار
نظر ہٹی کہ اسے ہاتھ اک بہانہ لگا
مری تلاش تھی تشویش دیدۂ بے نور
وہ ملتے کیا مجھے اپنا ہی جب پتا نہ لگا
آرزو لکھنوی
Na kar talash asar teer hai laga na laga
Na kar talash asar teer hai laga na laga
Jo apne bas ka nahin us ka aasra na laga
Hayat lazzat-e-aazaar ka hai doosra naam
Namak chhiRak to chhiRak zakhm par dawa na laga
Mere khayal ki duniya mein is jahan se door
Ye baiThe baiThe hua gum ke phir pata na laga
Khushi ye dil ki hai is mein nahin hai aql ko dakhl
Bura woh kahte rahe aur kuch bura na laga
Chamak se barq ki kamtar hai waqfa-e-deedar
Nazar haTi ke use haath ek bahana laga
Meri talash thi tashveesh-e-deeda-e-be-noor
Woh milte kya mujhe apna hi jab pata na laga
شاعر کے بارے میں
آرزو لکھنوی اردو کے اُن ہمہ جہت اور قدآور شعرا میں شمار ہوتے ہیں جنہوں نے کلاسیکی روایت کو جدید تقاضوں سے ہم آہنگ کیا۔ ان کا اصل نام سید انور حسین تھا اوروہ 16 فروری 1873ء کو لکھنؤ میں ایک علمی و ادبی گھرانے میں پیدا ہوئے۔ ان کے والد میر ذاکر حسین ‘یاس’ اور بھائی میر یوسف حسین ‘قیاس’ بھی نامور شعرا تھے، یوں شاعری انہیں ورثے میں ملی۔ گھر پر عربی...
مکمل تعارف پڑھیں