آرزو ہے وفا کرے کوئی — داغ دہلوی
شاعر
آرزو ہے وفا کرے کوئی
آرزو ہے وفا کرے کوئی
جی نہ چاہے تو کیا کرے کوئی
گر مرض ہو دوا کرے کوئی
مرنے والے کا کیا کرے کوئی
کوستے ہیں جلے ہوئے کیا کیا
اپنے حق میں دعا کرے کوئی
ان سے سب اپنی اپنی کہتے ہیں
میرا مطلب ادا کرے کوئی
چاہ سے آپ کو تو نفرت ہے
مجھ کو چاہے خدا کرے کوئی
اس گلے کو گلہ نہیں کہتے
گر مزے کا گلا کرے کوئی
یہ ملی داد رنج فرقت کی
اور دل کا کہا کرے کوئی
تم سراپا ہو صورت تصویر
تم سے پھر بات کیا کرے کوئی
کہتے ہیں ہم نہیں خدائے کریم
کیوں ہماری خطا کرے کوئی
جس میں لاکھوں برس کی حوریں ہوں
ایسی جنت کو کیا کرے کوئی
اس جفا پر تمہیں تمنا ہے
کہ مری التجا کرے کوئی
منہ لگاتے ہی داغؔ اترایا
لطف ہے پھر جفا کرے کوئی
Aarzoo hai wafā kare koi
Aarzoo hai wafā kare koi
Jī na chāhe to kya kare koi
Gar maraz ho dawā kare koi
Marne wale ka kya kare koi
Koste hain jale hue kya kya
Apne haq mein duā kare koi
Un se sab apni apni kehte hain
Mera matlab adā kare koi
Chāh se aap ko to nafrat hai
Mujh ko chāhe khudā kare koi
Us gile ko gila nahin kehte
Gar maze ka gila kare koi
Ye mili dād-e-ranj-e-furqat ki
Aur dil ka kaha kare koi
Tum sarāpā ho ṣoorat-e-tasveer
Tum se phir baat kya kare koi
Kehte hain hum nahin khudā-e-kareem
Kyoñ hamāri khatā kare koi
Jis mein lākhoñ baras ki hooreñ hoñ
Aisi jannat ko kya kare koi
Us jafā par tumheñ tamannā hai
Ki meri iltijā kare koi
Muñh lagāte hi Dāgh itrāyā
Lutf hai phir jafā kare koi
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں