بات میری کبھی سنی ہی نہیں — داغ دہلوی
شاعر
بات میری کبھی سنی ہی نہیں
بات میری کبھی سنی ہی نہیں
جانتے وہ بری بھلی ہی نہیں
دل لگی ان کی دل لگی ہی نہیں
رنج بھی ہے فقط ہنسی ہی نہیں
لطف مے تجھ سے کیا کہوں زاہد
ہائے کم بخت تو نے پی ہی نہیں
اڑ گئی یوں وفا زمانے سے
کبھی گویا کسی میں تھی ہی نہیں
جان کیا دوں کہ جانتا ہوں میں
تم نے یہ چیز لے کے دی ہی نہیں
ہم تو دشمن کو دوست کر لیتے
پر کریں کیا تری خوشی ہی نہیں
ہم تری آرزو پہ جیتے ہیں
یہ نہیں ہے تو زندگی ہی نہیں
دل لگی دل لگی نہیں ناصح
تیرے دل کو ابھی لگی ہی نہیں
داغؔ کیوں تم کو بے وفا کہتا
وہ شکایت کا آدمی ہی نہیں
Baat meri kabhi suni hi nahin
Baat meri kabhi suni hi nahin
Jante woh buri bhali hi nahin
Dillagi un ki dillagi hi nahin
Ranj bhi hai faqat hansi hi nahin
Lutf-e-mai tujh se kya kahoon zahid
Haae kambakht tu ne pi hi nahin
Ud gayi yun wafa zamane se
Kabhi goya kisi mein thi hi nahin
Jaan kya doon ki janta hoon main
Tum ne yeh cheez le ke di hi nahin
Hum to dushman ko dost kar lete
Par karen kya teri khushi hi nahin
Hum teri aarzoo pe jeete hain
Yeh nahin hai to zindagi hi nahin
Dillagi dillagi nahin naseh
Tere dil ko abhi lagi hi nahin
'Dagh' kyun tum ko be-wafa kehta
Woh shikayat ka aadmi hi nahin
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں