باقی جہاں میں قیس نہ فرہاد رہ گیا — داغ دہلوی
شاعر
باقی جہاں میں قیس نہ فرہاد رہ گیا
باقی جہاں میں قیس نہ فرہاد رہ گیا
افسانہ عاشقوں کا فقط یاد رہ گیا
یہ سخت جاں تو قتل سے ناشاد رہ گیا
خنجر چلا تو بازوئے جلاد رہ گیا
پابندیوں نے عشق کی بیکس رکھا مجھے
میں سو اسیریوں میں بھی آزاد رہ گیا
چشم صنم نے یوں تو بگاڑے ہزار گھر
اک کعبہ چند روز کو آباد رہ گیا
محشر میں جائے شکوہ کیا شکر یار کا
جو بھولنا تھا مجھ کو وہی یاد رہ گیا
ان کی تو بن پڑی کہ لگی جان مفت ہاتھ
تیری گرہ میں کیا دل ناشاد رہ گیا
پر نور ہو رہے گا یہ ظلمت کدہ اگر
دل میں بتوں کا شوق خداداد رہ گیا
یوں آنکھ ان کی کر کے اشارہ پلٹ گئی
گویا کہ لب سے ہو کے کچھ ارشاد رہ گیا
ناصح کا جی چلا تھا ہماری طرح مگر
الفت کی دیکھ دیکھ کے افتاد رہ گیا
ہیں تیرے دل میں سب کے ٹھکانے برے بھلے
میں خانماں خراب ہی برباد رہ گیا
وہ دن گئے کہ تھی مرے سینے میں کچھ خراش
اب دل کہاں ہے دل کا نشاں یاد رہ گیا
صورت کو تیری دیکھ کے کھنچتی ہے جان خلق
دل اپنا تھام تھام کے بہزاد رہ گیا
اے داغؔ دل ہی دل میں گھلے ضبط عشق سے
افسوس شوق نالہ و فریاد رہ گیا
Baqi jahan mein Qais na Farhad reh gaya
Baqi jahan mein Qais na Farhad reh gaya
Afsana aashiqon ka faqat yaad reh gaya
Yeh sakht jaan to qatl se nashad reh gaya
Khanjar chala to bazoo-e-jallad reh gaya
Pabandiyon ne ishq ki be-kas rakha mujhe
Main sau aseeriyon mein bhi azad reh gaya
Chashm-e-sanam ne yun to bigaade hazar ghar
Ek Kaaba chand roz ko abaad reh gaya
Mahshar mein jaye shikwa kya shukr-e-yar ka
Jo bhoolna tha mujh ko wahi yaad reh gaya
In ki to ban padi ki lagi jaan muft hath
Teri girah mein kya dil-e-nashad reh gaya
Pur noor ho rahega yeh zulmat-kada agar
Dil mein buton ka shauq-e-khudadad reh gaya
Yun aankh un ki kar ke ishara palat gayi
Goya ki lab se ho ke kuchh irshad reh gaya
Naseh ka jee chala tha hamari tarah magar
Ulfat ki dekh dekh ke iftad reh gaya
Hain tere dil mein sab ke thikane bure bhale
Main khana-maan-kharab hi barbad reh gaya
Woh din gaye ki thi mere seene mein kuchh kharash
Ab dil kahan hai dil ka nishan yaad reh gaya
Surat ko teri dekh ke khinchti hai jaan-e-khalq
Dil apna tham tham ke Behzad reh gaya
Aye 'Dagh' dil hi dil mein ghule zabt-e-ishq se
Afsoos shauq-e-nala-o-faryaad reh gaya
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں