دل ناکام کے ہیں کام خراب — داغ دہلوی
شاعر
دل ناکام کے ہیں کام خراب
دل ناکام کے ہیں کام خراب
کر لیا عاشقی میں نام خراب
اس خرابات کا یہی ہے مزہ
کہ رہے آدمی مدام خراب
دیکھ کر جنس دل وہ کہتے ہیں
کیوں کرے کوئی اپنے دام خراب
ابر تر سے صبا ہی اچھی تھی
میری مٹی ہوئی تمام خراب
وہ بھی ساقی مجھے نہیں دیتا
وہ جو ٹوٹا پڑا ہے جام خراب
کیا ملا ہم کو زندگی کے سوا
وہ بھی دشوار ناتمام خراب
واہ کیا منہ سے پھول جھڑتے ہیں
خوب رو ہو کے یہ کلام خراب
چال کی رہنمائے عشق نے بھی
وہ دکھایا جو تھا مقام خراب
داغؔ ہے بد چلن تو ہونے دو
سو میں ہوتا ہے اک غلام خراب
Dil-e-nakam ke hain kaam kharab
Dil-e-nakam ke hain kaam kharab
Kar liya aashiqi mein naam kharab
Is kharabaton ka yahi hai maza
Ki rahe aadmi mudam kharab
Dekh kar jins-e-dil woh kehte hain
Kyun kare koi apne daam kharab
Abr-e-tar se saba hi achhi thi
Meri mitti hui tamam kharab
Woh bhi saqi mujhe nahin deta
Woh jo toota pada hai jam kharab
Kya mila hum ko zindagi ke siwa
Woh bhi dushwar na-tamam kharab
Wah kya munh se phool jhadte hain
Khoob-roo ho ke yeh kalam kharab
Chaal ki rahnumai-e-ishq ne bhi
Woh dikhaya jo tha maqam kharab
'Dagh' hai bad-chalan to hone do
Sau mein hota hai ek ghulam kharab
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں