غضب کیا ترے وعدے پہ اعتبار کیا — داغ دہلوی

Ghazab kiya tere waade pe aitbaar kiya

Ghazab kiya tere waade pe aitbaar kiya
Tamam raat qayamat ka intezaar kiya
Kisi tarah jo na us but ne aitbaar kiya
Meri wafa ne mujhe khoob sharmsaar kiya
Hansa hansa ke shab-e-wasl ashk-baar kiya
Tasalliyan mujhe de de ke be-qarar kiya
Yeh kis ne jalwa hamare sar-e-mazaar kiya
Ke dil se shor utha haaye be-qarar kiya
Suna hai tegh ko qaatil ne aab-dar kiya
Agar yeh sach hai toh be-shubah hum pe waar kiya
Na aaye raah pe woh ajz-e-be-shumar kiya
Shab-e-wisaal bhi main ne toh intezaar kiya
Tujhe toh waada-e-deedar hum se karna tha
Yeh kya kiya ke jahan ko ummeedwar kiya
Yeh dil ko taab kahan hai ke ho ma'aal-andesh
Unhon ne waada kiya us ne aitbaar kiya
Kahan ka sabr ke dam par hai ban gai zaalim
Ba-tang aaye toh haal-e-dil aashkar kiya
Tadap phir ai dil-e-nadaan ke ghair kehte hain
Akheer kuch na bani sabr ikhtiyar kiya
Mile jo yaar ki shokhi se us ki be-chaini
Tamam raat dil-e-muztarib ko pyar kiya
Bhala bhala ke jataya hai un ko raaz-e-nihan
Chhupa chhupa ke mohabbat ko aashkar kiya
Na us ke dil se mitaya ke saaf ho jaata
Saba ne khaak-e-pareshan mera ghubar kiya
Hum aise mahv-e-nazarah na the jo hosh aata
Magar tumhare taghaaful ne hoshiyar kiya
Hamare seene mein jo rah gai thi aatish-e-hijr
Shab-e-wisaal bhi us ko na hamkinar kiya
Raqeeb o shiwa-e-ulfat khuda ki qudrat hai
Woh aur ishq bhala tum ne aitbaar kiya
Zaban-e-khar se nikli sada-e-Bismillah
Junoon ko jab sar-e-shoreeda par sawar kiya
Teri nigah ke tasawwur mein hum ne ai qaatil
Laga laga ke gale se chhuri ko pyar kiya
Ghazab thi kasrat-e-mehfil ke main ne dhoka mein
Hazaar baar raqeebon ko hamkinar kiya
Hua hai koi magar is ka chahne wala
Ke aasman ne tera shiwa ikhtiyar kiya
Na poochh dil ki haqeeqat magar yeh kehte hain
Woh be-qarar rahe jis ne be-qarar kiya
Jab un ko tarz-e-sitam aa gaye toh hosh aaya
Bura ho dil ka bure waqt hoshiyar kiya
Fasana-e-shab-e-gham un ko ek kahani thi
Kuchh aitbaar kiya kuchh na aitbaar kiya
Aseeri-e-dil-e-aashufta rang la ke rahi
Tamam tarah tarraar taar taar kiya
Kuchh aa gai daawar-e-mehshar se hai ummeed mujhe
Kuchh aap ne mere kehne ka aitbaar kiya
Kisi ke ishq-e-nihan mein yeh bad-gumani thi
Ke darte darte khuda par bhi aashkar kiya
Falak se taur-e-qayamat ke ban na padte the
Akheer ab tujhe aashob-e-rozgar kiya
Woh baat kar jo kabhi aasman se ho na sake
Sitam kiya toh bada tu ne iftekhar kiya
Banega mehar-e-qayamat bhi ek khaal-e-siyah
Jo chehra Daagh-e-siyah-roo ne aashkar kiya