جلوے مری نگاہ میں کون و مکاں کے ہیں — داغ دہلوی
شاعر
جلوے مری نگاہ میں کون و مکاں کے ہیں
جلوے مری نگاہ میں کون و مکاں کے ہیں
مجھ سے کہاں چھپیں گے وہ ایسے کہاں کے ہیں
کھلتے نہیں ہیں راز جو سوز نہاں کے ہیں
کیا پھوٹنے کے واسطے چھالے زباں کے ہیں
کرتے ہیں قتل وہ طلب مغفرت کے بعد
جو تھے دعا کے ہاتھ وہی امتحاں کے ہیں
جس روز کچھ شریک ہوئی میری مشت خاک
اس روز سے زمیں پہ ستم آسماں کے ہیں
بازو دکھائے تم نے لگا کر ہزار ہاتھ
پورے پڑے تو وہ بھی بہت امتحاں کے ہیں
ناصح کے سامنے کبھی سچ بولتا نہیں
میری زباں میں رنگ تمہاری زباں کے ہیں
کیسا جواب حضرت دل دیکھیے ذرا
پیغام بر کے ہاتھ میں ٹکڑے زباں کے ہیں
کیا اضطراب شوق نے مجھ کو خجل کیا
وہ پوچھتے ہیں کہئے ارادے کہاں کے ہیں
عاشق ترے عدم کو گئے کس قدر تباہ
پوچھا ہر ایک نے یہ مسافر کہاں کے ہیں
ہر چند داغؔ ایک ہی عیار ہے مگر
دشمن بھی تو چھٹے ہوئے سارے جہاں کے ہیں
Jalwe meri nigah mein kaun-o-makan ke hain
Jalwe meri nigah mein kaun-o-makan ke hain
Mujh se kahan chhupeinge woh aise kahan ke hain
Khulte nahin hain raaz jo soz-e-nihan ke hain
Kya phootne ke waste chhaale zabaan ke hain
Karte hain qatl woh talab-e-maghfirat ke baad
Jo the dua ke haath wohi imtihan ke hain
Jis roz kuch shareek hui meri musht-e-khak
Is roz se zameen pe sitam aasman ke hain
Bazoo dikhaye tum ne laga kar hazar haath
Purey pade to woh bhi bahut imtihan ke hain
Naseh ke samne kabhi sach bolta nahin
Meri zaban mein rang tumhari zaban ke hain
Kaisa jawab Hazrat-e-Dil dekhiye zara
Paigham-bar ke haath mein tukde zaban ke hain
Kya iztirab-e-shauq ne mujh ko khajil kiya
Woh puchhte hain kahiye iraade kahan ke hain
Ashiq tere adam ko gaye kis qadar tabah
Puchha har ek ne yeh musafir kahan ke hain
Har chand Dagh ek hi ayyar hai magar
Dushman bhi to chhute hue saare jahan ke hain
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں