جو ہو سکتا ہے اس سے وہ کسی سے ہو نہیں سکتا — داغ دہلوی
شاعر
جو ہو سکتا ہے اس سے وہ کسی سے ہو نہیں سکتا
جو ہو سکتا ہے اس سے وہ کسی سے ہو نہیں سکتا
مگر دیکھو تو پھر کچھ آدمی سے ہو نہیں سکتا
محبت میں کرے کیا کچھ کسی سے ہو نہیں سکتا
مرا مرنا بھی تو میری خوشی سے ہو نہیں سکتا
الگ کرنا رقیبوں کا الٰہی تجھ کو آساں ہے
مجھے مشکل کہ میری بیکسی سے ہو نہیں سکتا
کیا ہے وعدۂ فردا انہوں نے دیکھیے کیا ہو
یہاں صبر و تحمل آج ہی سے ہو نہیں سکتا
یہ مشتاق شہادت کس جگہ جائیں کسے ڈھونڈیں
کہ تیرا کام قاتل جب تجھی سے ہو نہیں سکتا
لگا کر تیغ قصہ پاک کیجئے دادخواہوں کا
کسی کا فیصلہ کر منصفی سے ہو نہیں سکتا
مرا دشمن بظاہر چار دن کو دوست ہے تیرا
کسی کا ہو رہے یہ ہر کسی سے ہو نہیں سکتا
پرسش کہو گے کیا وہاں جب یاں یہ صورت ہے
ادا اک حرف وعدہ نازکی سے ہو نہیں سکتا
نہ کہئے گو کہ حال دل مگر رنگ آشنا ہیں ہم
یہ ظاہر آپ کی کیا خامشی سے ہو نہیں سکتا
کیا جو ہم نے ظالم کیا کرے گا غیر منہ کیا ہے
کرے تو صبر ایسا آدمی سے ہو نہیں سکتا
چمن میں ناز بلبل نے کیا جو اپنی نالے پر
چٹک کر غنچہ بولا کیا کسی سے ہو نہیں سکتا
نہیں گر تجھ پہ قابو دل ہے پر کچھ زور ہو اپنا
کروں کیا یہ بھی تو نا طاقتی سے ہو نہیں سکتا
نہ رونا ہے طریقے کا نہ ہنسنا ہے سلیقے کا
پریشانی میں کوئی کام جی سے ہو نہیں سکتا
ہوا ہوں اس قدر محجوب عرض مدعا کر کے
کہ اب تو عذر بھی شرمندگی سے ہو نہیں سکتا
غضب میں جان ہے کیا کیجے بدلہ رنج فرقت کا
بدی سے کر نہیں سکتے خوشی سے ہو نہیں سکتا
مزا جو اضطراب شوق سے عاشق کو ہے حاصل
وہ تسلیم و رضا و بندگی سے ہو نہیں سکتا
خدا جب دوست ہے اے داغؔ کیا دشمن سے اندیشہ
ہمارا کچھ کسی کی دشمنی سے ہو نہیں سکتا
Jo ho sakta hai us se woh kisi se ho nahin sakta
Jo ho sakta hai us se woh kisi se ho nahin sakta
Magar dekho to phir kuch aadmi se ho nahin sakta
Mohabbat mein kare kya kuch kisi se ho nahin sakta
Mera marna bhi to meri khushi se ho nahin sakta
Alag karna raqeebon ka ilahi tujh ko aasan hai
Mujhe mushkil ke meri bekasi se ho nahin sakta
Kiya hai vaada-e-farda unhon ne dekhiye kya ho
Yahan sabr-o-tahamul aaj hi se ho nahin sakta
Yeh mushtaq-e-shahadat kis jagah jaayen kise dhundhein
Ke tera kaam qatil jab tujhi se ho nahin sakta
Laga kar tegh qissa pak kijiye dad-khwahon ka
Kisi ka faisla kar munsifi se ho nahin sakta
Mera dushman ba-zaahir char din ko dost hai tera
Kisi ka ho rahe yeh har kisi se ho nahin sakta
Pursish kahoge kya wahan jab yan yeh surat hai
Ada ik harf-e-waada nazuki se ho nahin sakta
Na kahiye go ke haal-e-dil magar rang-ashna hain hum
Yeh zaahir aap ki kya khamoshi se ho nahin sakta
Kiya jo hum ne zalim kya karega ghair munh kya hai
Kare to sabr aisa aadmi se ho nahin sakta
Chaman mein naaz bulbul ne kiya jo apni naale par
Chatak kar ghuncha bola kya kisi se ho nahin sakta
Nahin gar tujh pe qaabu dil hai par kuch zor ho apna
Karun kya yeh bhi to na-taqati se ho nahin sakta
Na rona hai tareeqe ka na hansna hai saleeqe ka
Pareshani mein koi kaam ji se ho nahin sakta
Hua hun is qadar mehjoob arz-e-muddaa kar ke
Ke ab to uzr bhi sharmindagi se ho nahin sakta
Ghazab mein jaan hai kya kijiye badla ranj-e-furqat ka
Badi se kar nahin sakte khushi se ho nahin sakta
Maza jo iztirab-e-shauq se ashiq ko hai hasil
Woh tasleem-o-raza-o-bandagi se ho nahin sakta
Khuda jab dost hai aye Dagh kya dushman se andesha
Hamara kuch kisi ki dushmani se ho nahin sakta
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں