کہتے ہیں جس کو حور وہ انساں تمہیں تو ہو — داغ دہلوی
شاعر
کہتے ہیں جس کو حور وہ انساں تمہیں تو ہو
کہتے ہیں جس کو حور وہ انساں تمہیں تو ہو
جاتی ہے جس پہ جان مری جاں تمہیں تو ہو
مطلب کی کہہ رہے ہیں وہ دانا ہمیں تو ہیں
مطلب کی پوچھتے ہو وہ ناداں تمہیں تو ہو
آتا ہے بعد ظلم تمہیں کو تو رحم بھی
اپنے کیے سے دل میں پشیماں تمہیں تو ہو
پچھتاؤ گے بہت مرے دل کو اجاڑ کر
اس گھر میں اور کون ہے مہماں تمہیں تو ہو
اک روز رنگ لائیں گی یہ مہربانیاں
ہم جانتے تھے جان کے خواہاں تمہیں تو ہو
دل دار و دل فریب دل آزار و دل ستاں
لاکھوں میں ہم کہیں گے کہ ہاں ہاں تمہیں تو ہو
کرتے ہو داغؔ دور سے بت خانے کو سلام
اپنی طرح کے ایک مسلماں تمہیں تو ہو
Kahte hain jis ko hoor woh insan tumhin to ho
Kahte hain jis ko hoor woh insan tumhin to ho
Jaati hai jis pe jaan meri jaan tumhin to ho
Matlab ki kah rahe hain woh dana humein to hain
Matlab ki puchhte ho woh nadan tumhin to ho
Aata hai baad-e-zulm tumhin ko to rehm bhi
Apne kiye se dil mein pasheman tumhin to ho
Pachtaaoge bahut mere dil ko ujad kar
Is ghar mein aur kaun hai mehman tumhin to ho
Ik roz rang laayengi yeh mehrbaniyan
Hum jaante the jaan ke khwahan tumhin to ho
Dildar-o-dil-fareb, dil-azar-o-dil-sitan
Lakhon mein hum kahenge ke haan haan tumhin to ho
Karte ho Dagh dur se but-khane ko salam
Apni tarah ke ek musalman tumhin to ho
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں