خاطر سے یا لحاظ سے میں مان تو گیا — داغ دہلوی
شاعر
خاطر سے یا لحاظ سے میں مان تو گیا
خاطر سے یا لحاظ سے میں مان تو گیا
جھوٹی قسم سے آپ کا ایمان تو گیا
دل لے کے مفت کہتے ہیں کچھ کام کا نہیں
الٹی شکایتیں ہوئیں احسان تو گیا
ڈرتا ہوں دیکھ کر دل بے آرزو کو میں
سنسان گھر یہ کیوں نہ ہو مہمان تو گیا
کیا آئے راحت آئی جو کنج مزار میں
وہ ولولہ وہ شوق وہ ارمان تو گیا
دیکھا ہے بت کدے میں جو اے شیخ کچھ نہ پوچھ
ایمان کی تو یہ ہے کہ ایمان تو گیا
افشائے راز عشق میں گو ذلتیں ہوئیں
لیکن اسے جتا تو دیا جان تو گیا
گو نامہ بر سے خوش نہ ہوا پر ہزار شکر
مجھ کو وہ میرے نام سے پہچان تو گیا
بزم عدو میں صورت پروانہ دل مرا
گو رشک سے جلا ترے قربان تو گیا
ہوش و حواس و تاب و تواں داغؔ جا چکے
اب ہم بھی جانے والے ہیں سامان تو گیا
Khatir se ya lihaz se main maan to gaya
Khatir se ya lihaz se main maan to gaya
Jhooti qasam se aap ka imaan to gaya
Dil le ke muft kahte hain kuch kaam ka nahin
Ulti shikayatein hui ahsan to gaya
Darta hun dekh kar dil-e-be-arzoo ko main
Sunsaan ghar yeh kyunkar na ho, mehman to gaya
Kya aaye rahat aayi jo kunj-e-mazar mein
Woh walwala, woh shauq, woh armaan to gaya
Dekha hai but-kade mein jo aye shaikh kuch na puchh
Imaan ki to yeh hai ke imaan to gaya
Ifsha-e-raz-e-ishq mein go zillatein huin
Lekin use jata to diya, jaan to gaya
Go nama-bar se khush na hua par hazar shukr
Mujh ko woh mere naam se pehchan to gaya
Bazm-e-adu mein surat-e-parwana dil mera
Go rashk se jala, tere qurban to gaya
Hosh-o-hawas-o-tab-o-tawan Dagh ja chuke
Ab hum bhi jaane wale hain, saman to gaya
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں