تماشائے دیر و حرم دیکھتے ہیں — داغ دہلوی
شاعر
تماشائے دیر و حرم دیکھتے ہیں
تماشائے دیر و حرم دیکھتے ہیں
تجھے ہر بہانے سے ہم دیکھتے ہیں
ہماری طرف اب وہ کم دیکھتے ہیں
وہ نظریں نہیں جن کو ہم دیکھتے ہیں
زمانے کے کیا کیا ستم دیکھتے ہیں
ہمیں جانتے ہیں جو ہم دیکھتے ہیں
پھرے بت کدے سے تو اے اہل کعبہ
پھر آ کر تمہارے قدم دیکھتے ہیں
ہمیں چشم بینا دکھاتی ہے سب کچھ
وہ اندھے ہیں جو جام جم دیکھتے ہیں
نہ ایمائے خواہش نہ اظہار مطلب
مرے منہ کو اہل کرم دیکھتے ہیں
کبھی توڑتے ہیں وہ خنجر کو اپنے
کبھی نبض بسمل میں دم دیکھتے ہیں
غنیمت ہے چشم تغافل بھی ان کی
بہت دیکھتے ہیں جو کم دیکھتے ہیں
غرض کیا کہ سمجھیں مرے خط کا مضموں
وہ عنوان و طرز رقم دیکھتے ہیں
سلامت رہے دل برا ہے کہ اچھا
ہزاروں میں یہ ایک دم دیکھتے ہیں
رہا کون محفل میں اب آنے والا
وہ چاروں طرف دم بدم دیکھتے ہیں
ادھر شرم حائل ادھر خوف مانع
نہ وہ دیکھتے ہیں نہ ہم دیکھتے ہیں
انہیں کیوں نہ ہو دل ربائی سے نفرت
کہ ہر دل میں وہ غم الم دیکھتے ہیں
نگہباں سے بھی کیا ہوئی بد گمانی
اب اس کو ترے ساتھ کم دیکھتے ہیں
ہمیں داغؔ کیا کم ہے یہ سرفرازی
کہ شاہ دکن کے قدم دیکھتے ہیں
Tamasha-e-dair-o-haram dekhte hain
Tamasha-e-dair-o-haram dekhte hain
Tujhe har bahane se hum dekhte hain
Hamari taraf ab woh kam dekhte hain
Woh nazrein nahin jin ko hum dekhte hain
Zamanay ke kya kya sitam dekhte hain
Hamein jaante hain jo hum dekhte hain
Phire but-kade se to ae ahl-e-Kaaba
Phir aa kar tumhare qadam dekhte hain
Hamein chashm-e-beena dikhati hai sab kuch
Woh andhe hain jo jam-e-jam dekhte hain
Na eema-e-khwahish na izhar-e-matlab
Mere munh ko ahl-e-karam dekhte hain
Kabhi todte hain woh khanjar ko apne
Kabhi nabz-e-bismil mein dam dekhte hain
Ghanimat hai chashm-e-taghaful bhi unki
Bahut dekhte hain jo kam dekhte hain
Gharaz kya ke samjhein mere khat ka mazmoon
Woh unwan-o-tarz-e-raqam dekhte hain
Salamat rahe dil bura hai ke achha
Hazaron mein yeh ek dam dekhte hain
Raha kaun mehfil mein ab aane wala
Woh charon taraf dam ba dam dekhte hain
Idhar sharm haail idhar khauf mane
Na woh dekhte hain na hum dekhte hain
Inhein kyon na ho dil rubai se nafrat
Ke har dil mein woh gham-e-alam dekhte hain
Nigahban se bhi kya hui bad-gumani
Ab us ko tere saath kam dekhte hain
Hamein Dagh kya kam hai yeh sarfarazi
Ke Shah-e-Deccan ke qadam dekhte hain
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں