دانش نقوی
شاعر
لشکر سے پرے آخری صف تک نہیں پہنچی
لشکر سے پرے آخری صف تک نہیں پہنچی
اس بار بھی آواز ہدف تک نہیں پہنچی
چھانیں گے مجھے در نجف چھاننے والے
مٹی میری فی الحال نجف تک نہیں پہنچی
چلنے ہی نہیں دیتا وہ بازار ہنر کو ۔۔۔۔۔۔۔۔
اک شئے بھی کبھی اہل شغف تک نہیں پہنچی
دانوں پہ ترا نام لیے جاوں مسلسل
تسبیح ابھی اتنے شرف تک نہیں پہنچی
اک چاپ کی لے پر ہیں سبھی کان لگائے
کوئی بھی ہتھیلی ابھی دف تک نہیں پہنچی
دانش نقوی