اگر دینا ہو دل کی داد جتنا اس کا جی چاہے — انعام اللہ خاں یقین
شاعر
اگر دینا ہو دل کی داد جتنا اس کا جی چاہے
اگر دینا ہو دل کی داد جتنا اس کا جی چاہے
تو کرنے دو اسے فریاد جتنا اس کا جی چاہے
ملی ہیں یار کی گلیاں ہمیں مجنوں سے یہ کہیو
کرے ویرانے کو آباد جتنا اس کا جی چاہے
نہیں ممکن کہ ہم کعبہ کو جائیں چھوڑ بت خانہ
کرے واعظ ہمیں ارشاد جتنا اس کا جی چاہے
وفا کا طوق ہے قمری صفت جزو بدن میرا
کرے جور و ستم صیاد جتنا اس کا جی چاہے
یقیںؔ مجھ بن نہیں ہے قدرداں کوئی مصیبت کا
فلک مجھ پر کرے بیداد جتنا اس کا جی چاہے
Agar denā ho dil kī dād jitnā us kā jī chāhe
Agar denā ho dil kī dād jitnā us kā jī chāhe
To karne do use faryād jitnā us kā jī chāhe
Milī hain yaar kī galiyāñ hamīnñ Majnūñ se ye kahiyo
Kare vīrāne ko ābād jitnā us kā jī chāhe
Nahīnñ mumkin ki ham Ka'ba ko jā.eñ chhoṛ but-ḳhāna
Kare vā'iz hamīñ irshād jitnā us kā jī chāhe
Vafā kā tauq hai qumrī sifat juzv-e-badan merā
Kare jaur-o-sitam saiyyād jitnā us kā jī chāhe
Yaqīn mujh bin nahīnñ hai qadr-dān koī musībat kā
Falak mujh par kare bedād jitnā us kā jī chāhe
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں