اگرچہ عشق میں آفت ہے اور بلا بھی ہے — انعام اللہ خاں یقین
شاعر
اگرچہ عشق میں آفت ہے اور بلا بھی ہے
اگرچہ عشق میں آفت ہے اور بلا بھی ہے
نرا برا نہیں یہ شغل کچھ بھلا بھی ہے
اس اشک و آہ میں سودا بگڑ نہ جائے کہیں
یہ دل کچھ آب رسیدہ ہے کچھ جلا بھی ہے
یہ آرزو ہے کہ اس بے وفا سے یہ پوچھوں
کہ میرے بے مزا رکھنے میں کچھ مزا بھی ہے
یہ کون ڈھب ہے سجن خاک میں ملانے کا
کسو کا دل کبھو پانو تلے ملا بھی ہے
یقیںؔ کا شور جنوں سن کے یار نے پوچھا
کوئی قبیلۂ مجنوں میں کیا رہا بھی ہے
Agarche ishq mein aafat hai aur bala bhi hai
Agarche ishq mein aafat hai aur bala bhi hai
Nira bura nahin yeh shughl kuch bhala bhi hai
Is ashk-o-aah mein sauda bigad na jaye kahin
Yeh dil kuch aab-raseeda hai kuch jala bhi hai
Yeh aarzoo hai ke is bewafa se yeh poochhoon
Ke mere be-maza rakhne mein kuch maza bhi hai
Yeh kaun dhab hai sajan khaak mein milane ka
Kisu ka dil kabhoo paanon tale mila bhi hai
Yaqeen ka shor-e-junoon sun ke yaar ne poocha
Koi qabila-e-majnoon mein kya raha bhi hai
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں