بہار آئی ہے کیا کیا چاک جیب پیرہن کرتے — انعام اللہ خاں یقین
شاعر
بہار آئی ہے کیا کیا چاک جیب پیرہن کرتے
بہار آئی ہے کیا کیا چاک جیب پیرہن کرتے
جو ہم بھی چھوٹ جاتے اب تو کیا دیوانہ پن کرتے
تصور اس دہان تنگ کا رخصت نہیں دیتا
جو ٹک دم مار سکتے ہم تو کچھ فکر سخن کرتے
نہیں جوں پنجۂ گل کچھ بھی ان ہاتھوں میں گیرائی
وگرنہ یہ گریباں نذر خوبان چمن کرتے
مسافر ہو کے آئے ہیں جہاں میں تس پہ وحشت ہے
قیامت تھی اگر ہم اس خرابہ میں وطن کرتے
کوئی فرہاد جیسے بے زباں کو قتل کرتا ہے
یقیںؔ ہم واں اگر ہوتے تو اک دو بچن کرتے
Bahar aayi hai kya kya chaak jaib pairahan karte
Bahar aayi hai kya kya chaak jaib pairahan karte
Jo hum bhi chhoot jaate ab to kya deewanapan karte
Tasawwur us dahan-e-tang ka rukhsat nahin deta
Jo tuk dam maar sakte hum to kuch fikr-e-sukhan karte
Nahin joon panja-e-gul kuch bhi in haathon mein gehraayi
Wagarna yeh girebaan nazar-e-khooban-e-chaman karte
Musafir ho ke aaye hain jahaan mein tis pe wahshat hai
Qayamat thi agar hum is kharabah mein watan karte
Koyi Farhad jaise be-zabaan ko qatl karta hai
Yaqeen' hum waan agar hote to ek do bachan karte
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں