دوانہ مجھ سا کب جیتا ہے کیوں تدبیر کرتے ہیں — انعام اللہ خاں یقین
شاعر
دوانہ مجھ سا کب جیتا ہے کیوں تدبیر کرتے ہیں
دوانہ مجھ سا کب جیتا ہے کیوں تدبیر کرتے ہیں
کوئی دن چلنے پھرنے دیں عبث زنجیر کرتے ہیں
ہوائے گرم کے لگنے سے کب پتھر پگھلتا ہے
یہ نالے ان بتوں کے دل میں کب تاثیر کرتے ہیں
خدا کی بندگی کہئے اسے یا عشق معشوقی
یہ نسبت ایک ہے سو سو طرح تعبیر کرتے ہیں
دوانے ہیں سیانے چھوڑ دو تم نقش کو ان کے
پرائے گھر کی پریوں کے تئیں تسخیر کرتے ہیں
نگہ کرنے میں ان کے کام ہوتا ہے تمام اس کا
یقیںؔ کے حق میں یہ خوباں بہت تقصیر کرتے ہیں
Deewana mujh sa kab jeeta hai kyun tadbeer karte hain
Deewana mujh sa kab jeeta hai kyun tadbeer karte hain
Koyi din chalne phirne dein abas zanjeer karte hain
Hawa-e-garm ke lagne se kab patthar pighalta hai
Yeh naale un buton ke dil mein kab taseer karte hain
Khuda ki bandagi kahiye use ya ishq-e-ma'shooqi
Yeh nisbat ek hai sau sau tarah ta'beer karte hain
Deewane hain siyane chhod do tum naqsh ko unke
Paraaye ghar ki pariyoon ke taeen taskheer karte hain
Nigah karne mein unke kaam hota hai tamaam uska
Yaqeen' ke haq mein yeh khooban bahut taqseer karte hain
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں