دل نہیں کھنچتا ہے بن مجنوں بیاباں کی طرف — انعام اللہ خاں یقین
شاعر
دل نہیں کھنچتا ہے بن مجنوں بیاباں کی طرف
دل نہیں کھنچتا ہے بن مجنوں بیاباں کی طرف
خوش نہیں آتا نظر کرنا غزالاں کی طرف
فصل گل کی ہم اسیروں کو خبر کب ہے ولے
ان دنوں میں شور سا کچھ ہے گلستاں کی طرف
آگ کی مجھ کو لگی ہے پیاس یہ کیونکر بجھے
کیونکہ دیکھوں سیر اس خورشید تاباں کی طرف
اس ہوا میں رحم کر ساقی کہ بے جام شراب
دیکھ کر چھاتی بھری آتی ہے باراں کی طرف
سحر کے ڈورے جو سنتے تھے سو اب دیکھے یقیںؔ
دل کھنچا جاتا ہے اس زلف پریشاں کی طرف
Dil nahin khinchta hai bin Majnoon biyaban ki taraf
Dil nahin khinchta hai bin Majnoon biyaban ki taraf
Khush nahin aata nazar karna ghazalaan ki taraf
Fasl-e-gul ki hum aseeron ko khabar kab hai wale
In dinoon mein shor sa kuch hai gulistan ki taraf
Aag ki mujh ko lagi hai pyaas yeh kyunkar bujhe
Kyunkar dekhuun sair us khursheed-e-tabaan ki taraf
Is hawa mein rehm kar saaqi ke be-jaam-e-sharab
Dekh kar chhaati bhari aati hai baran ki taraf
Sehar ke dore jo sunte the so ab dekhe Yaqeen'
Dil khincha jaata hai us zulf-e-pareshan ki taraf
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں