اس قدر غرق لہو میں یہ دل زار نہ تھا — انعام اللہ خاں یقین
شاعر
اس قدر غرق لہو میں یہ دل زار نہ تھا
اس قدر غرق لہو میں یہ دل زار نہ تھا
جب حنا سے ترے پاؤں کو سروکار نہ تھا
حسن کا جذب زلیخا ستی کچھ چل نہ سکا
ورنہ یہ پاک گہر قابل بازار نہ تھا
دل میں زاہد کے جو جنت کی ہوا کی ہے ہوس
کوچۂ یار میں کیا سایۂ دیوار نہ تھا
دل مرا عشق کے دھڑکوں سے موا جاتا ہے
یہ وہ دل ہے کہ کوئی ایسا جگر دار نہ تھا
آپ سے کیوں نہ ہوا کہہ کے یقیںؔ کو مارا
راست پوچھو تو کوئی مجھ سا گنہ گار نہ تھا
Is qadar ġharq-e-lahū mein ye dil-e-zār na thā
Is qadar ġharq-e-lahū mein ye dil-e-zār na thā
Jab hinā se tere paañv ko sarokār na thā
Husn kā jazb-e-Zulaiḳhā satī kuchh chal na sakā
Varna ye pāk guhar qābil-e-bāzār na thā
Dil mein zāhid ke jo jannat kī havā kī hai havas
Kūcha-e-yār mein kyā sāya-e-dīvār na thā
Dil merā ishq ke dhaṛkoñ se muā jaatā hai
Ye voh dil hai ki koī aisā jigar-dār na thā
Āp se kyooñ na huvā kah ke Yaqīn ko mārā
Raast pūchho to koī mujh sā gunāhgār na thā
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں