جب دیکھتا ہوں تنہا تجھ کو سجن چمن میں — انعام اللہ خاں یقین
شاعر
جب دیکھتا ہوں تنہا تجھ کو سجن چمن میں
جب دیکھتا ہوں تنہا تجھ کو سجن چمن میں
کس کس طرح کی باتیں آتی ہیں میرے من میں
لڑکے کھڑے ہیں غمگیں پتھرے پڑے ہیں بیکس
دیوانہ ہائے جب سے جاتا رہا ہے بن میں
مجنوں کی خوش نصیبی کرتی ہے داغ دل کو
کیا عیش کر گیا ہے ظالم دیوانہ پن میں
اس داغدار دل کو گاڑو نہ ساتھ میرے
ڈرتا ہوں مت لگے اٹھ آتش مرے کفن میں
خوباں یقیںؔ کو معذور اب تو رکھو کہ اس کے
لوہو نہیں جگر میں آنسو نہیں نین میں
Jab dekhta hoon tanha tujh ko sajan chaman mein
Jab dekhta hoon tanha tujh ko sajan chaman mein
Kis kis tarah ki baatein aati hain mere man mein
Ladke khade hain ghamgeen pathre pade hain be-kas
Deewana haaye jab se jaata raha hai ban mein
Majnoon ki khush naseebi karti hai daagh dil ko
Kya aish kar gaya hai zaalim deewanapan mein
Us daaghdar dil ko gaado na saath mere
Darta hoon mat lage uth aatish mere kafan mein
Khoobaan Yaqeen' ko ma'zoor ab to rakho ke uske
Lahoo nahin jigar mein aansu nahin nain mein
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں