کیا قیامت ہے بتوں کی بزم میں جانے کا حظ — انعام اللہ خاں یقین
شاعر
کیا قیامت ہے بتوں کی بزم میں جانے کا حظ
کیا قیامت ہے بتوں کی بزم میں جانے کا حظ
ہم کو خدمت کا انہوں کو کام فرمانے کا حظ
وصل میں بھی درد مندوں کو نہیں راحت نصیب
دیکھ لیجے شمع کے ملنے سے پروانے کا حظ
اس طرف گل ٹوٹتا ہے اس طرف بلبل کا دل
کیا رہا گلچیں کے ہاتھوں باغ میں جانے کا حظ
جی نکلتا ہے مرا اس پر کہ کب آئے گا ہاتھ
یار کے پاؤں پہ سر کو رکھ کے مر جانے کا حظ
بوجھتا ہے خوب کیفیت نظارے کی یقیںؔ
اس نگاہ مست سے لیتا ہے میخانے کا حظ
Kya qayamat hai buton ki bazm mein jaane ka haz
Kya qayamat hai buton ki bazm mein jaane ka haz
Hum ko khidmat ka unhoñ ko kaam farmane ka haz
Wasl mein bhi dard-mandoñ ko nahin rahat naseeb
Dekh leeje shama ke milne se parwane ka haz
Is taraf gul toot'ta hai is taraf bulbul ka dil
Kya raha gulcheeñ ke haathoñ baagh mein jaane ka haz
Ji niklta hai mera is par ki kab aayega haath
Yaar ke paaoñ pe sar ko rakh ke mar jaane ka haz
Boojhta hai khoob kaifiyat nazzare ki Yaqeen!
Is nigah-e-mast se leta hai mai-khane ka haz
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں