مصر میں حسن کی وہ گرمئ بازار کہاں — انعام اللہ خاں یقین
شاعر
مصر میں حسن کی وہ گرمئ بازار کہاں
مصر میں حسن کی وہ گرمئ بازار کہاں
جنس تو ہے پہ زلیخا سا خریدار کہاں
فیض ہوتا ہے مکیں پر نہ مکاں پر نازل
ہے وہی طور ولے شعلۂ دیدار کہاں
عیش و راحت کے تلاشی ہیں یہ سارے بے درد
ایک ہم کو ہے یہی فکر کہ آزار کہاں
عشق اگر کیجئے دل کیجئے کس سے خالی
درد و غم کم نہیں اس دور میں غمخوار کہاں
قیدی اس سلسلۂ زلف کے اب کم ہیں یقیںؔ
ہیں دل آزار بہت جان گرفتار کہاں
انعام اللہ خاں یقین
Misr mein husn ki woh garmi-e-bazaar kahan
Misr mein husn ki woh garmi-e-bazaar kahan
Jins to hai pe Zulekha sa khareedar kahan
Faiz hota hai makeen par na makan par nazil
Hai wahi toor wale shola-e-deedar kahan
Aish-o-rahat ke talashi hain yeh saare be-dard
Ek hum ko hai yehi fikr ke aazaar kahan
Ishq agar keejiye dil keejiye kis se khaali
Dard-o-gham kam nahin is daur mein ghamkhwar kahan
Qaidi is silsila-e-zulf ke ab kam hain Yaqeen
Hain dil aazaar bahut jaan giraftar kahan
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم ناموں میں شامل ہو گئے۔ یقینؔ کا تعلق دبستانِ دہلی سے تھا، جو اردو شاعری کا کلاسیکی مرکز سمجھا جاتا ہے۔ انہوں نے ایسے دور میں آنکھ کھولی جب میر تقی میرؔ، سوداؔ، دردؔ اور مظہر جانِ جاناں جیسے بڑے شعرا موجو...
مکمل تعارف پڑھیں