محبت میں مروت کی حکایت کے سخن خالی — انعام اللہ خاں یقین
شاعر
محبت میں مروت کی حکایت کے سخن خالی
محبت میں مروت کی حکایت کے سخن خالی
کہ جوں فانوس دل کی شمع بن ہے پیرہن خالی
رہے کب ہوں گے اب تک بستیوں میں نقش شیریں کے
دل اپنا کس سے کرتا ہوگا یاروں کوہ کن خالی
گئی یہ کہہ کر آنے سے خزاں کے پیشتر بلبل
پھر ان آنکھوں سے کیونکر دیکھا جائے گا چمن خالی
موا آگے ہی جل کر شمع سے کیا خوب سمجھا تھا
نہ سکتا دیکھ پروانہ سجن سے انجمن خالی
خسارت ہے یقیںؔ سرکار کی اتنا سخن مت کر
نہ کر ان موتیوں سے جوں صدف اپنا دہن خالی
Mohabbat mein murawwat ki hikayat ke sukhan khaali
Mohabbat mein murawwat ki hikayat ke sukhan khaali
Ke joon fanoos-e-dil ki shama' ban hai pairahan khaali
Rahe kab honge ab tak bastiyon mein naqsh-e-Shireen ke
Dil apna kis se karta hoga yaaron Kohkan khaali
Gayi yeh keh kar aane se khizaan ke peshtar bulbul
Phir in aankhon se kyunkar dekha jaayega chaman khaali
Mawa aage hi jal kar shama' se kya khoob samjha tha
Na sakta dekh parwana sajan se anjuman khaali
Khasarat hai Yaqeen' sarkar ki itna sukhan mat kar
Na kar in motiyon se joon sadaf apna dahan khaali
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں