منہ پہ کھاتا ہے یہ اس طرح سے تلوار کہ بس — انعام اللہ خاں یقین
شاعر
منہ پہ کھاتا ہے یہ اس طرح سے تلوار کہ بس
منہ پہ کھاتا ہے یہ اس طرح سے تلوار کہ بس
دل مرا عشق میں ایسا ہے جگر دار کہ بس
نزع میں دیکھ مجھے یار جھجک کر بولا
کیا بری طرح سے مرتا ہے یہ بیمار کہ بس
آپ کو بیچ کے یوسف نے زلیخا کو لیا
کیا خریدار نے پایا ہے خریدار کہ بس
اس جھڑی سیتی کہیں گر نہ پڑے بام فلک
اس طرح روتے ہیں تجھ بن در و دیوار کہ بس
عشق کے دار شفا میں مجھے لے چل تو یقیںؔ
کہ طبیبوں نے دیا اس قدر آزار کہ بس
Munh pe khata hai yeh is tarah se talwaar ke bas
Munh pe khata hai yeh is tarah se talwaar ke bas
Dil mera ishq mein aisa hai jigar-daar ke bas
Naza mein dekh mujhe yaar jhijak kar bola
Kya buri tarah se marta hai yeh beemaar ke bas
Aap ko bech ke Yousuf ne Zulaikha ko liya
Kya khareedaar ne paaya hai khareedaar ke bas
Is jhadi seeti kaheen gar na pade baam-e-falak
Is tarah rote hain tujh bin dar-o-deewaar ke bas
Ishq ke daar-e-shifa mein mujhe le chal tu Yaqeen
Ke tabeebon ne diya is qadar aazaar ke bas
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں