سریر سلطنت سے آستان یار بہتر تھا — انعام اللہ خاں یقین
شاعر
سریر سلطنت سے آستان یار بہتر تھا
سریر سلطنت سے آستان یار بہتر تھا
ہمیں ظل ہما سے سایۂ دیوار بہتر تھا
مجھے دکھ پھر دیا تو نے منڈا کر سبزۂ خط کو
جراحت کو مرے وہ مرہم زنگار بہتر تھا
مجھے زنجیر کرنا کیا مناسب تھا بہاراں میں
کہ گل ہاتھوں میں اور پاؤں میں میرے خار بہتر تھا
ہموں نے ہجر سے کچھ وصل میں دھڑکے بہت دیکھے
ہمارے حق میں اس راحت سے وہ آزار بہتر تھا
مرا دل مر گیا جس دن کہ نظارہ سے باز آیا
یقیںؔ پرہیز اگر کرتا تو یہ بیمار بہتر تھا
Sareer-e-saltanat se aastaan-e-yaar behtar tha
Sareer-e-saltanat se aastaan-e-yaar behtar tha
Humein zill-e-huma se saaya-e-deewar behtar tha
Mujhe dukh phir diya tu ne munda kar sabza-e-khat ko
Jarahat ko mere wo marham-e-zangaar behtar tha
Mujhe zanjeer karna kya munasib tha baharaan mein
Ke gul haathon mein aur paaon mein mere khaar behtar tha
Humon ne hijr se kuch vasl mein dhadke bahut dekhe
Hamare haq mein is raahat se wo aazaar behtar tha
Mera dil mar gaya jis din ke nazaara se baaz aaya
Yaqeen parhez agar karta to yeh beemaar behtar tha
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں