شہر میں تھا نہ ترے حسن کا یہ شور کبھو — انعام اللہ خاں یقین
شاعر
شہر میں تھا نہ ترے حسن کا یہ شور کبھو
شہر میں تھا نہ ترے حسن کا یہ شور کبھو
مصر اس جنس سے اتنا نہ تھا معمور کبھو
عشق میں داد نہ چاہو کہ سنا ہم نے نہیں
عدل و انصاف کا اس ملک میں دستور کبھو
فکر مرہم کا مرے واسطے مت کر ناصح
خوب ہوتا نہیں اس عشق کا ناسور کبھو
گو نہ کر وعدہ وفا دے نہ مجھے اس کا جواب
مجھ سے ملنا بھی سجن ہے تجھے منظور کبھو
اپنی بے دردی کی سوگند ہے تجھ کو اے مرگ
تو نے دیکھا ہے یقیںؔ سا کوئی رنجور کبھو
Shehr mein thā na tere husn kā ye shor kabhū
Shehr mein thā na tere husn kā ye shor kabhū
Misr us jins se itnā na thā ma'mūr kabhū
Ishq mein dād na chāho ki sunā ham ne nahīnñ
Adl-o-insāf kā us mulk mein dastūr kabhū
Fikr marham kā mere vāste mat kar nāseh
Khūb hotā nahīnñ us ishq kā nāsūr kabhū
Go na kar va'da vafā de na mujhe us kā javāb
Mujh se milnā bhī sajan hai tujhe manzūr kabhū
Apnī be-dardī kī saugand hai tujh ko aye marg
Tū ne dekhā hai Yaqīn sā koī ranjūr kabhū
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں