تیری آنکھوں کی کیفیت کو میخانے سے کیا نسبت — انعام اللہ خاں یقین
شاعر
تیری آنکھوں کی کیفیت کو میخانے سے کیا نسبت
تیری آنکھوں کی کیفیت کو میخانے سے کیا نسبت
نگہ کی گردشوں کو دور پیمانے سے کیا نسبت
یہ جیوے ہجر میں وہ وصل میں بھی جی نہیں سکتا
تکلف بر طرف بلبل کو پروانے سے کیا نسبت
یہ وہ موتی ہیں جن کی سیپیاں آنکھیں ہیں عاشق کی
مرے آنسو کو مروارید کے دانے سے کیا نسبت
ارے دل مت توقع دلبروں سے رکھ ترحم کی
لہو پیتے ہیں جو شخص ان کو غم کھانے سے کیا نسبت
گل اس کا داغ ہے اور سرو اس کا آہ موزوں ہے
یقیںؔ سے نوحہ گر کو باغ میں جانے سے کیا نسبت
Teri aankhon ki kaifiyat ko may-khane se kya nisbat
Teri aankhon ki kaifiyat ko may-khane se kya nisbat
Nigah ki gardishon ko daur paimane se kya nisbat
Yeh jeeve hijr mein woh vasl mein bhi jee nahin sakta
Takalluf bar taraf bulbul ko parwane se kya nisbat
Yeh woh moti hain jin ki seepiyan aankhen hain ashiq ki
Mere aansoo ko marwareed ke daane se kya nisbat
Are dil mat tawaqqo dilbaron se rakh tarahhum ki
Lahu peete hain jo shakhs un ko gham khane se kya nisbat
Gul us ka daagh hai aur sarv us ka aah mauzoon hai
Yaqeen se nauhaghar ko baagh mein jaane se kya nisbat
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں